नेपाल बारले भन्यो : सेटिङ गरेर प्रधानन्यायधीश सिफारिस गरियो

News Summary

Generated by OK AI. Editorially reviewed.

नेपाल बार एसोसियसनका अध्यक्ष विजयप्रकाश मिश्रले प्रधानन्यायाधीश सिफारिस सेटिङका लागि गरिएको गम्भीर आरोप लगाएका छन्।
मिश्रले वरिष्ठताक्रम मिचेर न्यायाधीश सिफारिस गरिएको र सरकारले स्वतन्त्र न्यायपालिकामाथि हस्तक्षेप गरेको बताए।
संवैधानिक परिषद्ले वरिष्ठतम न्यायाधीश सपना मल्ललाई सिफारिस नगरी चौथो नम्बरका मनोज शर्मालाई प्रधानन्यायाधीश सिफारिस गरेको छ।

५ जेठ, काठमाडौं । नेपाल बार एसोसियसनका अध्यक्ष विजयप्रकाश मिश्रले प्रधानन्यायाधीश सिफारिस सेटिङका लागि गरिएको गम्भीर आरोप लगाएका छन् । मंगलबार बारको प्राङ्गणमा लालटिन बालेर सर्वोच्च प्रशासनको कामकारबाहीप्रति भद्र विद्रोह कार्यक्रमलाई सम्बोधन गर्दै उनले यस्तो आरोप लगाएका हुन् ।

उनले सेटिङकै लागि लामो समयसम्म प्रधानन्यायाधीश बन्न सक्ने व्यक्तिको नाम सिफारिस गरिएको बताए ।

‘न्यायिक प्रक्रियालाई नबिथोल्न सरकार म आग्रह गर्न चाहन्छु । अहिले वरिष्ठताक्रम मिचेर न्यायाधीश सिफारिस गरिएको छ,’ उनले भने, ‘लामो अवधिको न्यायाधीश सिफारिस गर्नु पर्नेलाई हामी सेटिङ नै भन्छौं । न्यायाधीशलाई निर्भिक भएर संविधान र कानुनले तोकेको काम निर्वादरुपमा गर्न नेपाल बार आग्रह गर्दछ ।’

उनले नेपालको स्वतन्त्र न्यायपालिकामाथि सरकारले गरेको हस्तक्षेप अन्तर्राष्ट्रिय समुदायले पनि हेरिरहेको बताए । उनले प्रधानन्यायाधीश सिफारिसमा पालो मिच्ने बाटो वर्तमान सरकारले खोलेको आरोप पनि लगाए ।

‘दुई तिहाइ वा बहुमत आयो भने पालो मिचिने बाटो खोलिएको छ ।कानुनको पालना गरेर नैतिकतामा बसेको न्यायाधीशमाथि आक्रमण प्रयास भएको छ,’ उनले भने,’न्यायाधीशहरूलाई सरकारप्रति लालायित हुनुपर्ने अवस्था सरकारले बनाएको छ । विवेक नहराओस् फेरि यस्तो कार्यक्रम गर्न नपरोस् ।’

संवैधानिक परिषद्ले वरिष्ठतम न्यायाधीश सपना मल्ल प्रधानलाई सिफारिस नगरी चौथो नम्बरमा रहेका मनोज शर्मालाई प्रधानन्यायाधीशका लागि सिफारिस गरेको छ । यसप्रति