सिरहा घटनामा ज्यान गुमाएकाको परिवारलाई भेट्न पुगे सांसद यादव, छानबिनका लागि आवाज उठाउने प्रतिबद्धता

News Summary

Generated by OK AI. Editorially reviewed.

रास्वपा सांसद पुरुषोत्तम यादवले सिरहाको गोलबजारमा भएको झडपमा ज्यान गुमाएका गणेश यादवको परिवारसँग भेट गरी घटनाको निष्पक्ष छानबिन हुने आश्वासन दिनुभएको छ ।
सांसद यादवले घटनामा पक्राउ परेका व्यक्तिहरूलाई कानुनी प्रक्रिया पुर्‍याएर छिटो रिहा गर्न र दोषीमाथि कारबाही गर्न सम्बन्धित निकायमा पहल गर्ने प्रतिबद्धता जनाउनुभएको छ ।
उनले स्थानीयबासीलाई शान्तिपूर्ण रहन र जिल्लाको सामाजिक सद्भाव कायम राख्न अपिल गर्दै संसद्मा समेत यस विषयलाई प्राथमिकताका साथ उठाउने बताउनुभएको छ ।

१५ साउन, सिरहा । राष्ट्रिय स्वतन्त्र पार्टी (रास्वपा) का समानुपातिक सांसद पुरुषोत्तम यादव गोलबजारमा भएको घटनापछि शुक्रबार सिरहा पुगेका छन् ।

उनले स्थानीयसँग भेटघाट गर्दै घटनाबारे जानकारी लिए भने प्रदर्शनका क्रममा ज्यान गुमाएका गणेश यादवको परिवारसँग भेट पनि गरेका छन् ।

सिरहामा बिहीबार भएको प्रदर्शनका क्रममा औरही गाउँपालिका–२ तुलसियाहीका १५ वर्षीय गणेश यादवको निधन भएको थियो ।

उक्त घटनामा निष्पक्ष छानबिन गरी दोषीलाई कानुनी दायरामा ल्याउन आफूले संसद् र सम्बन्धित निकायमा आवाज उठाउने प्रतिबद्धता पनि जनाएका छन् ।

साथै, पीडित परिवारलाई न्याय दिलाउन आवश्यक पहल गर्ने आश्वासन पनि उनले दिएका छन् ।

उनले नियन्त्रणमा लिइएका व्यक्तिहरूको रिहाइको माग पनि गरेका छन् ।

उनले प्रशासनसँग पक्राउ परेका व्यक्तिहरूको विषयमा कानुनी प्रक्रिया छिटो अघि बढाउन आग्रह पनि गरेका थिए ।

आक्रोशित स्थानीयलाई शान्त रहन र सामाजिक सद्भाव कायम राख्न उनले अपिल गरेका छन् ।