News Summary
Generated by OK AI. Editorially reviewed.- राष्ट्रिय स्वतन्त्र पार्टीका सांसद हरि पन्तले स्रोत र कोषको अभावमा सांसदहरू निर्वाचन क्षेत्रका साना समस्या समाधान गर्न नसकेर निरीह बनेको बताएका छन् ।
- सांसद पन्तले निर्वाचन क्षेत्रका साना समस्या समाधान गर्न संसदीय कोषको सदुपयोग आवश्यक रहेको उल्लेख गर्दै विगतमा कोषको दुरुपयोग भएको गुनासो गरे ।
- उनले सडक मर्मत, डेस्क बेन्च र पंखा जस्ता सामान्य समस्या समाधान गर्न नसक्दा जनताका सामु आफूहरू टुलुटुलु हेर्न बाध्य भएको बताए ।
२ भदौ, काठमाडौं । राष्ट्रिय स्वतन्त्र पार्टीका सांसद हरि (बुद्धिप्रसाद) पन्तले स्रोत र कोषको व्यवस्था नहुँदा सांसदहरू निरीह बन्नु परेको बताएका छन् ।
मंगलबारको प्रतिनिधिसभाको बैठकमा उनले सांसदहरूसँग स्रोत र कोष नहुँदा निर्वाचन क्षेत्रमा देखिएका सानातिना समस्या समेत समाधान गर्न नसकेर जनताका सामु निरीह बनेर फर्किनु परेको गुनासो गरे ।
निर्वाचन क्षेत्रका जनताले सांसदहरूसँग समस्या समाधानको आशा राख्नु स्वभाविक भएको तर सांसदहरूसँग त्यस्तो कुनै स्रोत र कोष नहुँदा आफूहरू टुलुटुलु हेरेर फर्किनु सिवाय अर्को कुनै विकल्प नभएको उनको भनाइ थियो ।
कतिपय समस्याहरू स्थानीय सरकारले नै न्यून बजेट र थोरै जनशक्ति परिचालन गर्दा पनि तुरुन्तै समाधान हुने खालका हुने उनले बताए ।
उनले भने, ‘कतै पानी जमेर दह बनेका सडकहरूमा २/४ ट्रयाक्टर ग्राबेल बिछ्याएर समाधान हुने समस्याको समेत निकास नदिँदा कतिका बच्चाहरू वर्षातमा स्कुल जान नसकेको पीडाहरू छन् । कहीँ स्कुल गएका बच्चाहरू कक्षा कोठामा २/४ थान डेस्क बेन्च समेत नहुदा भुइँमा बसेर पढ्नु परेको पीडा छ । कहीँ कक्षा कोठाहरूमा २/४ थान पंखा नहुँदा बच्चाहरू गर्मीले कक्षामै बेहोस भएका घटनाहरू पनि छन् ।’
उनले अगाडि भने, ‘वास्तवमा पहिलेका सरकारहरूमा संसदीय कोषको दुरुपयोग नगरिएको भए अहिले हामीले त्यसको सही सदुपयोग गर्न सक्ने रहेछौं भन्ने लाग्छ ।’
कहिलेकाहीँ उद्देश्य सही हुँदाहुँदै पनि पात्र र प्रवृत्ति गलत हुँदा विषय नै विकृत हुन पुगेका उदाहरणका रूपमा यसलाई लिन सकिने उनले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4