News Summary
Generated by OK AI. Editorially reviewed.- करदाता प्रोत्साहन पुरस्कारअन्तर्गत साउन महिनाको दोस्रो बम्पर उपहार नेपाल प्रहरी नायब निरीक्षक तुल पुडासैनीले जितेका छन् ।
- बागमती प्रदेश प्रहरी गण, हेटौंडामा कार्यरत पुडासैनीको मोबाइल कभर र सिसा मर्मतको ३५० रुपैयाँको कारोबार बम्पर उपहारमा छानिएको हो ।
- उनले अर्थ मन्त्रालयमा जानकारी दिँदै सबैलाई बिल लिन र दिन अनुरोध गरेका छन् ।
२ भदौ, काठमाडौं । करदाता प्रोत्साहन पुरस्कार अन्तर्गत साउन महिनाको दोस्रो बम्पर उपहार तुल पुडासैनीले जितेका छन् ।
उनी नेपाल प्रहरी नायब निरीक्षक (सई) हुन् । हाल उनी बागमती प्रदेश प्रहरी गण, हेटौंडामा कार्यरत छन् ।
आन्तरिक राजस्व विभागले गत सोमबार उपहार घोषणा गरेको थियो । यो साउन महिनामा गरिएको दोस्रो उपहार घोषणा हो ।
दोस्रो १६ दिनमा हरेक दिनको एक जना र सबै सहभागी मध्येबाट छनोट गरिएको एक जनालाई बम्पर गरी १७ जना उपभोक्ता छनोट गरिएको थियो । त्यसै मध्येका बम्पर उपहार पुडासैनीले जितेका हुन् ।
उन मोबाइलको कभर र सिसा फेर्दा तिरेको ३ सय ५० रुपैयाँको कारोबार बम्पर उपहारमा छानिएको हो ।
मोबाइलको कभर र सिसा मर्मत गर्दा तिरेको रकममा उपहार परेको उनले अर्थ मन्त्रालयमा जानकारी गराएका छन् ।
‘मोबाइलको कभर र सिसामा मर्मत गर्न दुई तीनवटा पसल चहारेर गणेश इलेक्ट्रेनिक्स एन्ड मोबाइल सर्भिसमा पुगेको थिएँ,’ उनले भनेका छन्, ‘त्यहीँ गरेको कारोबारमा १० लाखको उपहार परेको थाहा पाएँ, एकदमै खुसी लाग्यो, सबैतिरबाट बधाई आइरहेको रहेको छ, सबैलाई बिल लिन र दिन मेरो अनुरोध छ ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4