News Summary
Generated by OK AI. Editorially reviewed.- अमेरिकाका दुई सिनेटरले १ करोड ५० लाख अमेरिकी प्रयोगकर्तामा सेक्युरिटी फिचर बन्द गरी गरिएको टिकटक परीक्षणबारे जवाफ मागेका छन् ।
- सिनेटरहरूले टिकटकका प्रमुख शोउ च्यू र एडम प्रेसरलाई पत्र लेखेर कम्पनीको निर्णयलाई निकै गैरजिम्मेवारपूर्ण भनेका छन् ।
- टिकटकले उदासी, आत्महत्या र एक्लोपनसम्बन्धी भिडियो कम देखाउने फिचर बन्द गर्दा १६ वर्षीय चेस नास्काको पनि परीक्षण समूहमा राखिएको थियो ।
अमेरिकाका दुई सिनेटरले टिकटकले १ करोड ५० लाख अमेरिकी प्रयोगकर्ताको सेक्युरिटी फिचर बन्द गरेर परीक्षण गरेको विषयमा जवाफ माग गरेका छन् ।
उक्त फिचर बन्द भएकामध्ये एक १६ वर्षीय किशोरले पछि आत्महत्या गरेपछि टिकटकमाथि थप प्रश्न उठेको हो ।
सिनेटर मार्सा ब्ल्याकबर्न र रिचर्ड ब्लुमेन्थलले टिकटकका प्रमुख शोउ च्यू र अमेरिकामा कम्पनीको काम हेर्ने प्रमुख एडम प्रेसरलाई पत्र पठाएका छन् । उनीहरूले कम्पनीको यो निर्णयलाई निकै गैरजिम्मेवारपूर्ण भनेका छन् ।
ब्लुमबर्गका अनुसार टिकटकले अमेरिकाका १० प्रतिशत प्रयोगकर्ताका लागि एउटा सेक्युरिटी फिचर जानाजानी बन्द गरेको थियो । बन्द गरिएको भनिएको यो फिचरले उदासी, आत्महत्या र एक्लोपनजस्ता मानसिक असर पार्न सक्ने भिडियो धेरै नदेखियोस् भनेर काम गर्थ्यो ।
टिकटकले यो फिचर हुँदा मानिसले एप कम चलाउँछन् कि चलाउँदैनन् भन्ने बुझ्न परीक्षण गरेको बताइएको छ । त्यसका लागि केही प्रयोगकर्तालाई छुट्टै परीक्षण समूहमा राखिएको थियो ।
उक्त समूहमा १६ वर्षीय चेस नास्का पनि थिए । उनको टिकटकमा उदासी, आत्महत्या र एक्लोपनसम्बन्धी हजारौं भिडियो देखाइएको आरोप छ । पछि उनले आत्महत्या गरेका थिए ।
यही विषयलाई लिएर सिनेटरहरूले टिकटकसँग १३ वटा प्रश्नको जवाफ मागेका छन् । उनीहरूले परीक्षणबारे थाहा पाएका कर्मचारीको नाम, नाबालिगलाई किन परीक्षणमा राखियो र अमेरिकामा यसअघि सेक्युरिटी फिचर बन्द गरिएका वा ढिला लागू गरिएका अन्य सबै परीक्षणको विवरण मागेका छन् ।
टिकटकलाई सेप्टेम्बर १ भित्र जवाफ दिन समय दिइएको छ । कम्पनीले भने यस विषयमा तत्काल प्रतिक्रिया दिएको छैन ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4