रेखा थापा निर्देशित ‘माया भनेकै यस्तो होला’ ले ल्यायो तीज गीत ‘नक्कल पारी’

News Summary

Generated by OK AI. Editorially reviewed.

रेखा थापा निर्देशित फिल्म ‘माया भनेकै यस्तो होला’को गीत ‘नक्कल पारी’ युट्युबमा सार्वजनिक भएको छ ।
प्रशान्त शिवाकोटी र शान्तिश्री परियारले गाएको गीतमा सुष्मा सिग्देलको शब्द र गम्भीर विष्टको नृत्य निर्देशन छ ।
नीति शाह, सृष्टि श्रेष्ठलगायत कलाकार फिचर्ड गीत हरितालिका तीजको परिवेशमा तयार पारिएको छ ।
हरिनारायण श्रेष्ठ, मायादेवी श्रेष्ठ, जस्मिन श्रेष्ठ र प्रकाश श्रेष्ठको लगानीमा बनेको फिल्म २६ भदौमा प्रदर्शन हुने तय छ ।

काठमाडौं । रेखा थापा निर्देशित फिल्म ‘माया भनेकै यस्तो होला’को गीत ‘नक्कल पारी’ युट्युबमा सार्वजनिक भएको छ । आउँदै गरेको महिलाको महान पर्व हरितालिका तीजको परिवेशमा यो गीत तयार पारिएको छ ।

प्रशान्त शिवाकोटीद्वारा संगीतबद्ध गीतको गायनमा प्रशान्तले शान्तिश्री परियारसँग सहकार्य गरेका छन् । सुष्मा सिग्देलको शब्द गीतमा छ । भिडियोमा गम्भीर विष्टको नृत्य निर्देशन छ ।

फिल्मका शीर्ष कलाकारले सारीमा सजिएर छमछमी नाचेका छन् । नीति शाह, सृष्टि श्रेष्ठ लगायतका कलाकार गीतमा फिचर्ड छन् । यो गीतले हरितालिका तीजको पूर्ण भाइब्स प्रदान गर्ने देखिएको छ भने तीज अवसरमा नृत्यका लागि राम्रो डान्सिङ ट्रयाक पनि बन्न सक्ने देखिन्छ ।

हरिनारायण श्रेष्ठ, मायादेवी श्रेष्ठ, जस्मिन श्रेष्ठ र प्रकाश श्रेष्ठको लगानी रहेको फिल्मको प्रदर्शन २६ भदौ (सेप्टेम्बर ११) लाई तय छ ।