२०८३ भदौ १० गते ८:२९ 
News Summary
Generated by OK AI. Editorially reviewed.- काठमान्डु गोर्खाजले श्रीलंकाका अलराउन्डर सहान अराचिगेलाई तेस्रो संस्करणको नेपाल प्रिमियर लिग खेल्न अनुबन्ध गरेको छ।
- बाँयाहाते ब्याटर सहानले दाँयाहाते अफस्पीन बलिङ गर्छन् र टी-२० मा १०३ खेलमा १ हजार ४६२ रन तथा ५४ विकेट लिएका छन्।
- सहानले यसअघि २०२१ को एभरेस्ट प्रिमियर लिगमा पोखरा राइनोजबाट नेपालमा खेलेका थिए।
१० भदौ, काठमाडौं । श्रीलंकाका अलराउन्डर सहान अराचिगेले काठमान्डु गोर्खाजबाट तेस्रो संस्करणको नेपाल प्रिमियर लिग (एनपीएल) खेल्ने भएका छन् ।
काठमान्डु गोर्खाजले सामाजिक सञ्जालमार्फत सहानलाई अनुबन्ध गरेको जानकारी दिएको हो । बाँयाहाते ब्याटर सहानले दाँयाहाते अफस्पीन बलिङ गर्छन् ।
सहानले टी-२० क्रिकेटमा १०३ खेलमा १४६२ रन बनाएका छन् । यस्तै ५४ विकेट पनि लिएका छन् । उनले लंका प्रिमियर लिगको उपाधि पनि जितेका छन् ।
सहानले श्रीलंकाबाट ५ एकदिवसीय अन्तर्राष्ट्रिय र एक टी–२० अन्तर्राष्ट्रिय खेलिसकेका छन् । उनले २०२३ को जुलाईमा वेस्ट इन्डिजविरुद्ध हरारेमा भएको विश्वकप छनोटबाट एकदिवसीय अन्तर्राष्ट्रियमा ‘डेब्यु’ गरेका थिए । सहनले श्रीलंका ‘ए’ को पनि कप्तानी गर्दै आएका छन् ।
लंका प्रिमियर लिगमा हालै गल गालान्ट्सलाई उपाधि दिलाउन प्रमुख भूमिका खेलेका थिए । गल गालान्ट्सले पहिलो पटक लंक प्रिमियर लिग जित्दा सहनले सबै ११ खेल खेल्दै १४७ माथिको स्ट्राइक रेटमा २४० रन बनाएका थिए ।
‘विजय भाव बोकेका सहन एक जोशिला खेलाडी हुन्, उनी निरन्तर एक रुपको प्रदर्शन दिन सक्छन् र दबाबमा पनि योजना अनुसार खेल्दै लंका प्रिमियर लिग र श्रीलंका ‘ए’ बाट म्याचहरु जिताएका छन् । उनको स्वभाव र स्पष्ट मानसिक्ताले हाम्रो ब्याटिङ लाइनअपलाई मद्धत गर्नेमा म विश्वस्त छु । उनमा जुन ब्याटिङ, बलिङ र फिल्डिङ क्षमता छ, त्यो काठमान्डु गोर्खाजका लागि फाइदा हुनसक्छ’ काठमान्डु गोर्खाजका क्रिकेट डाइरेक्टर शरद भेषावकरले भनेका छन् ।
उनले यसअघि पनि नेपालमा आएर खेलेका छन् । सन् २०२१ को एभरेस्ट प्रिमियर लिगमा उनी पोखरा राइनोजबाट खेलेका थिए ।
प्रतिक्रिया 4