News Summary
Generated by OK AI. Editorially reviewed.- ऊर्जा मन्त्री विराज भक्त श्रेष्ठले भोटेकोशी बाढीमा घाइते भएका जलविद्युत् आयोजनाका कर्मचारीलाई छाउनीस्थित वीरेन्द्र सैनिक अस्पतालमा भेटेका छन् ।
- श्रेष्ठले त्रिशूली थ्री ‘ए’ का सञ्जय साह र कबिर महर्जन, माथिल्लो त्रिशूली–१ का एक चिनियाँ नागरिक र स्याफ्रुकी एक किशोरीलाई भेटेका हुन् ।
- श्रेष्ठले घाइतेको स्वास्थ्य अवस्था सुधारोन्मुख रहेको बताउँदै मानसिक र मनोवैज्ञानिक परामर्श आवश्यक रहेको उल्लेख गरेका छन् ।
२१ भदौ, काठमाडौं । ऊर्जा, जलस्रोत तथा सिँचाइ मन्त्री विराज भक्त श्रेष्ठले रसुवाको भोटेकोशी नदीमा आएको विनाशकारी बाढीमा परी घाइते भएका जलविद्युत् आयोजनाका कर्मचारीसँग भेट गरेका छन् ।
आइतबार दिउँसो छाउनीस्थित वीरेन्द्र सैनिक अस्पताल पुगेर मन्त्री श्रेष्ठले उपचाररत घाइते कर्मचारी र उनीहरूको परिवारसँग भेटगरी स्वास्थ अवस्थाबारे जानकारी लिएका हुन् ।
मन्त्री श्रेष्ठले त्रिशूली थ्री ‘ए’ जलविद्युत् आयोजनाबाट उद्धार गरिएका नेपाल विद्युत् प्राधिकरणका मेकानिकल फोरम्यान सञ्जय साह र मेकानिकल सुपरभाइजर कबिर महर्जनलाई भेटेका हुन् । मन्त्री श्रेष्ठले कबिर महर्जनका परिवारसँग पनि भेट गरेका थिए ।
त्यस्तै माथिल्लो त्रिशुली–१ बाट उद्वार गरिएका चिनियाँ नागरिकलाई पनि भेटेका छन् । स्याफ्रुबाट उद्वार गरिएकी एक किशोरीलाई पनि मन्त्री श्रेष्ठले भेटेका थिए ।
‘उहाँहरूको स्वास्थ अवस्था सुधारोन्मुख छ । पानी र लेदोबाट भएका घाउहरू निको हुँदैछ । शारीरिक घाउ चोटहरू निको हुन थालेको छ’ भेटपछि मन्त्री श्रेष्ठले भने ‘मानसिक र मनोवैज्ञानिक परामर्श आवश्यक छ ।’
मन्त्री श्रेष्ठले उपचारमा खटिएका स्वास्थ्यकर्मी र उद्वारकर्मी सबैलाई धन्यवाद दिए । छाउनी अस्पतालका डा. कर्णेल कुमार रोकाले मन्त्री श्रेष्ठलाई घाइतेको अवस्थाबारे जानकारी गराएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4