News Summary
Generated by OK AI. Editorially reviewed.- अर्थ समितिले रसुवा बाढीपछि सरकारले गरेको उद्धार, राहत वितरण र पुनःस्थापनाबारे राष्ट्रिय विपद् जोखिम न्यूनीकरण तथा व्यवस्थापन प्राधिकरणसँग छलफल गर्ने भएको छ।
- समितिले बाढीले अर्थतन्त्रमा पारेको प्रभावबारे अर्थ मन्त्रालयसँग र क्षति तथा प्रभावको मूल्यांकनबारे राष्ट्रिय योजना आयोगसँग पनि छलफल गर्नेछ।
- भदौ १० गते भोटेकोशी–त्रिशूली नदीमा आएको बाढीबाट रसुवा, नुवाकोट, धादिङ, चितवन र गोरखाका तटीय क्षेत्र प्रभावित भएका छन्।
- बाढीमा १ हजार ३५५ जनाको शव फेला परेको छ, ४ हजार ९९६ जना सम्पर्कविहीन छन्, ६ हजार ६७२ जना घाइते भएका छन् र करिब १३ हजार ३९६ जनाको उद्धार गरिएको छ।
२२ भदौ, काठमाडौं । संसदीय समितिले रसुवा बाढी पश्चात उद्धार, राहत वितरण तथा पुन: स्थापनामा चासो व्यक्त गरेको छ ।
प्रतिनिधि सभा अन्तर्गतको अर्थ समितिले यस सम्बँधमा औपचारिक रूपमा छलफल गर्दैछ ।
रसुवा बाढी पश्चात नेपाल सरकारबाट हालसम्म भएगरेका उद्धार, राहत वितरण तथा पुन: स्थापनाका सम्बन्धमा राष्ट्रिय विपद् जोखिम न्यूनीकरण तथा व्यवस्थापन प्राधिकरणसँग छलफल गर्दैछ ।
विपद्बाट समग्र अर्थतन्त्रमा पारेको प्रभावका सम्बन्धमा अर्थ मन्त्रालयसँग र विपद् पछिको क्षति र प्रभावको मूल्यांकनका सम्बन्धमा राष्ट्रिय योजना आयोगसँग छलफल गर्न समितिले बैठक राखेको छ ।
पर्सि बिहान साढे ९ बजे बस्ते गरी समितिको बैठक तय भएको छ ।
भदौ १० गते बुधबार भोटेकोशी त्रिशूली नदीमा निावशकारी बाढी आएको थियो ।
उक्त बाढीले रसुवाको टिमुरे, स्याफ्रुवेशी, बेत्रावती, नुवाकोटको त्रिशूली बजार र देवीघाटलगायत धादिङ, चितवन र गोरखा जिल्लाका त्रिशूली नदी तटीय क्षेत्र प्रभावित छ ।
बाढीमा परी बेपत्ता भएकामध्ये १ हजार ३५५ जनाको शव फेला परेको छ । ४ हजार ९९६ जना सम्पर्कविहीन छन् । ६ हजार ६७२ जना घाइते भएका छन् । हालसम्म बाढी प्रभावित क्षेत्रबाट करिब १३ हजार ३९६ जनाको उद्धार गरिएको छ ।
यो अवस्थामा सरकारले गर्दै गरेको कामकारबाही र उद्धार, राहत वितरण तथा पुन: स्थापनामा संसदीय समितिको चासो देखाएर छलफल गर्न लागेको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4