News Summary
Generated by OK AI. Editorially reviewed.- धनकुटा नगरपालिका–१ हिलेस्थित माउन्टेन होटलबाट ३ ग्राम ५४० मिलिग्राम खैरो हिरोइनजस्तो पदार्थसहित तीन जना पक्राउ परेका छन् ।
- लागूऔषध कारोबारको गोप्य सूचनापछि प्रहरी चौकी हिलेबाट खटिएको टोलीले होटलमा छापा मारेको थियो ।
- पक्राउ पर्नेमा सुनसरीका मनिष अधिकारी र अजय साह तथा भोजपुरका सन्तोष खड्का रहेका छन्, र अनुसन्धान भइरहेको प्रहरीले जनाएको छ ।
२ असोज, धनकुटा । धनकुटा नगरपालिका वडा नं. १ हिलेस्थित एक होटलबाट लागूऔषध खैरो हिरोइनसहित तीन जना पक्राउ परेका छन् । लागूऔषध कारोबार भइरहेको गोप्य सूचना पाएपछि प्रहरी चौकी हिलेबाट खटिएको टोलीले हिलेस्थित माउन्टेन होटलमा छापा मारेको थियो ।
छापा मार्दा होटलबाट प्लास्टिकसहित ३ ग्राम ५४० मिलिग्राम खैरो हिरोइनजस्तो देखिने लिसाइलो पदार्थ बरामद भएको प्रहरीले जनाएको छ ।
प्रहरीले लागूऔषधसहित सुनसरीको बराहक्षेत्र नगरपालिका–२ बयरवनका ३७ वर्षीय मनिष अधिकारी, बराहक्षेत्र–१ भण्डारीटारका ३१ वर्षीय अजय साह र भोजपुर नगरपालिका–७ डाँडागाउँका ३८ वर्षीय सन्तोष खड्कालाई नियन्त्रणमा लिएको जिल्ला प्रहरी कार्यालय धनकुटाका प्रहरी नायब उपरीक्षक तथा सूचना अधिकारी हेमन्त भण्डारी क्षेत्रीले जानकारी दिए ।
पक्राउ परेका तीनै जनालाई जिल्ला प्रहरी कार्यालय धनकुटामा ल्याएर घटनाबारे थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4