News Summary
Generated by OK AI. Editorially reviewed.- रास्वपा सांसद अमरेश सिंहले छठ पर्वको भोलिपल्ट जनकपुरधामबाट मेची–महाकाली पदयात्रा शुरू गर्ने बताएका छन्।
- उनले पदयात्रामा मधेशलाई बुझ्ने, जनताको कुरा सुन्ने र समाज जोड्ने लक्ष्य रहेको बताएका छन्।
- सिंहले वर्तमान सरकारले मधेशलाई प्राथमिकतामा नराखेको आरोप लगाउँदै कमीकमजोरी सच्याउन आफू बोलिरहेको बताएका छन्。
४ असोज, जनकपुरधाम । राष्ट्रिय स्वतन्त्र पार्टी (रास्वपा) का सांसद अमरेश सिंहले मेची-महाकाली पदयात्रा गर्ने भएका छन् । छठ पर्वको भोलिपल्ट जनकपुरधामबाट मेची-महाकाली पद यात्रा गर्ने सांसद सिंहले बताएका छन् ।
आइतबार बिहान जनकपुरधाममा सञ्चारकर्मीसँग भेटघाट गर्दै उनले मधेशलाई थप बुझ्न र मधेशलाई जोड्न पदयात्रा गर्ने बताएका हुन् ।
मा सीताको जन्मभूमि जनकपुरमा छठको पारनको दिन गंगासागरमा अर्घ्य दिएर मेची-महकाली पदयात्रा गर्छु,’ उनले भने, ‘मेरो पदयात्राको थिम छ । समाज जोड्नु पर्छ । राजनीति भनेको समाज जोड्नका लागि हो । देशको समृद्धिका लागि हो । अबको एकताको बाटो हुनुपर्छ ।’
उनले मधेशमा ६ वटा ‘स’ शिक्षा, स्वास्थ्य, सडक, सिँचाइ, सुरक्षा र सरसफाइमा परिवर्तन रहेको बताए ।
पदयात्राको क्रममा आफू जनताको कुरा सुन्ने उनको भनाइ छ ।
‘पदयात्रा जनताको बीचमा गएर, जनताको कुरा सुन्छु । आफैं कम बोल्छु, जनताको बढी सुन्छु,’ उनले भने, ‘त्यसक्रममा दैनिक पाँच घण्टा हिँड्छु र ७ घण्टा जनताको कुरा सुन्छु ।’
उनले पदयात्राको क्रममा जनकपुरधामबाट गाग्रोमा माटो पानी लिएर सुरु गर्ने र माघेसंक्रान्तिको दिन महाकाली नदीमा जौ-तिल राखेर विसर्जन गर्ने बताए ।
त्यस क्रममा उनले मधेशी जनताको अपार सहयोगबाट बनेको वर्तमान सरकारले मधेशलाई खासै प्राथमिकतामा नराखेको बताए ।
उनले आफू बालेन सरकार नबने आत्मदाह गर्ने घोषणा गरेको र अहिले सरकारलाई सशक्त बनाउन भइरहेको कमिकमजोरीबारे बोलिरहेको र त्यसलाई सच्याउन खोजेको बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4