२०८३ असोज ६ गते १६:५५ 
News Summary
Generated by OK AI. Editorially reviewed.- बंगलादेशका मिस्ट्री स्पिनर मोहम्मद रुबेल नेपाल प्रिमियर लिगमा खेल्ने भएका छन् ।
- रुबेल कुन फ्रेन्चाइजबाट खेल्ने भन्ने विषय हालसम्म सार्वजनिक गरिएको छैन ।
- बंगलादेशका युवा ब्याटर अरिफुल इस्लाम पनि एनपीएल खेल्ने समाचार टी–स्पोर्ट्सले सार्वजनिक गरेको थियो ।
६ असोज, काठमाडौं । बंगलादेशका मिस्ट्री स्पिनर मोहम्मद रुबेल नेपाल प्रिमियर लिग (एनपीएल) खेल्ने भएका छन् ।
बंगलादेशी खेलकुद समाचार संस्था टी–स्पोर्ट्सले रुबेल एनपीएलमा खेल्ने जनाएको हो । यद्यपी उनी कुन फ्रेन्चाइजबाट खेल्ने भन्ने विषय भने हालसम्म सार्वजनिक गरिएको छैन ।
रुबेलले बंगलादेशको राष्ट्रिय टोलीबाट खेलेका छैन् । यद्यपी उनले टी-२० क्रिकेटमा ११ खेलमा १४ विकेट लिएका छन् ।
उनले अस्ट्रेलियामा भएको टप एन्ड टी-२० सिरिजमा बंगलादेशको हाइ पर्फर्मेन्स टोलीबाट खेलेका थिए ।
यसअघि टी–स्पोर्ट्सले बंगलादेशका युवा ब्याटर अरिफुल इस्लाम पनि एनपीएल खेल्ने समाचार सार्वजनिक गरेको थियो ।
सामाजिक सञ्जालमा अरिफुल कर्णाली याक्सबाट खेल्ने चर्चा भए पनि त्यसबारे औपचारिक घोषणा हुन बाँकी छ ।
बंगलादेशका स्टार अलराउन्डर शाकिब अल हसन पोखरा एभेन्जर्स तथा अकबर अलीले कर्णाली याक्सबाट खेल्ने यसअघि तय भइसकेको छ ।
प्रतिक्रिया 4