२०८३ असोज ७ गते २०:३९ 
News Summary
Generated by OK AI. Editorially reviewed.- आईपीएल २०२७ को मिनी अक्सन डिसेम्बरमा भारतको गोवामा हुने बीसीसीआईले पुष्टि गरेको छ।
- यो २०२३–२७ चक्रअन्तर्गतको अन्तिम मिनी अक्सन हुनेछ र फ्रेन्चाइजहरूको आग्रहपछि अक्सन भारतमै फर्काइएको हो।
- आईपीएल २०२७ सिजन मार्चको अन्त्यतिर सुरु हुने अपेक्षा छ, तर आधिकारिक खेल तालिका अझै सार्वजनिक भएको छैन।
७ असोज, काठमाडौं । इन्डियन प्रिमियर लिग (आईपीएल) २०२७ को मिनी अक्सन भारतको गोवामा डिसेम्बरमा हुने भएको छ ।
भारतीय क्रिकेट नियन्त्रण बोर्ड (बीसीसीआई) का सचिव देवजित सकियाले बुधबार अक्सन गोवामा आयोजना हुने पुष्टि गरेको समाचार संस्था क्रिकइन्फोले जनाएको छ । यो २०२३–२७ चक्रअन्तर्गतको अन्तिम मिनी अक्सन हुनेछ ।
पछिल्ला तीन संस्करणका अक्सन क्रमशः दुबई, जेद्दाह र अबुधाबीमा आयोजना गरिए पनि यसपटक फ्रेन्चाइजहरूको आग्रहपछि बीसीसीआईले अक्सन भारतमै फर्काउने निर्णय गरेको हो ।
आईपीएल २०२७ सिजन मार्चको अन्त्यतिर सुरु हुने अपेक्षा गरिएको छ । यसअघि बीसीसीआईले प्रतियोगिता मार्च १४ देखि मे ३० सम्मको विन्डोमा आयोजना गर्ने जनाएको थियो भने आधिकारिक खेल तालिका भने सार्वजनिक भएको छैन ।
अक्सनअघि नै केही चर्चित खेलाडीको टोली परिवर्तन भइसकेको छ । ऋषभ पन्त दिल्ली क्यापिटल्समा फर्किएका छन् भने कुलदीप यादव लखनउ सुपर जायन्ट्समा आबद्ध भएका छन् ।
यस्तै चेन्नई सुपर किङ्सले जहीर खानलाई मुख्य प्रशिक्षक नियुक्त गरिसकेको छ ।
प्रतिक्रिया 4