News Summary
Generated by OK AI. Editorially reviewed.- मनाङको चामेमा थुनिएको मर्स्याङ्दी नदी आजै ब्लास्ट गरेर खोल्ने तयारी भएको जिल्ला प्रशासन कार्यालय मनाङले जनाएको छ ।
- जिल्ला दैवी प्रकोप उद्धार समितिले ब्लास्ट गर्ने निर्णय गरी नेपाली सेनाको विस्फोट प्राविधिक टोलीलाई बोलाउने निर्णय गरेको कृष्णप्रसाद पौडेलले बताए ।
- आइतबार ठाडो र घट्टे खोलामा आएको बाढी तथा पहिरोले कटान र क्षति पुर्याएपछि स्थानीयहरू जंगल, सामुदायिक भवन र ब्यारेकमा रात बिताएका थिए ।
१२ असोज, काठमाडौं । मनाङको चामेमा थुनिएको मर्स्याङ्दी नदी ब्लास्ट गरेर खोल्ने तयारी गरिएको छ ।
जिल्ला प्रशासन कार्यालय मनाङका सहायक प्रमुख जिल्ला अधिकारी कृष्णप्रसाद पौडेलका अनुसार थुनिएको मर्स्याङदी नदी खोल्नका लागि विस्फोट गर्ने तयारी भएको छ ।
उनले अनलाइनखबरसँग भने, ‘जिल्ला दैवी प्रकोप उद्धार समितिले ब्लास्ट गर्ने निर्णय गरेको छ । यसका लागि नेपाली सेनासँग अनुरोध गर्ने निर्णय भएको छ । काठमाडौंबाट सेनाको विस्फोट गर्ने प्राविधिक टोली आएर थुनिएको नदी विस्फोट गरेर आजै खोल्ने तयारी छ ।’
उनका अनुसार विस्फोटका लागि आवश्यक पदार्थ मनाङकै स्थानीय तहसँग छ ।
आइतबार ठाडो खोला र घट्टे खोलामा बाढी आएर कटान तथा घर, पुल, सडकमा क्षति पुर्याएको थियो । आइतबार साँझ घट्टे खोलामा पहिरो खसेर आएको लेदो र हिलोले मर्स्याङ्दी नदी थुनिएको थियो ।
मर्स्याङ्दी नदी थुनिएपछि स्थानीयहरू डरले जंगल, सामुदायिक भवन र ब्यारेकमा रात बिताएका थिए ।
मौसम खुलेसँगै चामेवासीहरू आज बिहानै घर फर्किएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4