१३ असोज, काठमाडौं । सर्वोच्च अदालतबाट धरौटीमा छुट्न आदेश पाएका व्यवसायी शंकर अग्रवाललाई विशेष अदालतले थुनामा पठाएको छ ।
बैंकिङ कसुरको मुद्दामा सर्वोच्च अदालतका न्यायाधीशहरू बालकृष्ण ढकाल र नृपध्वज निरौलाको इजलासले १० लाख धरौटीमा रिहा गर्न आदेश दिएको थियो । गत ३१ भदौमा ढकाल र निरौलाको इजलासले उच्च अदालत पाटनको थुनछेक आदेश बदर गर्दै अग्रवाललाई धरौटीमा रिहा गर्न आदेश दिएको थियो ।
तर, मंगलबार विशेष अदालतका अध्यक्ष बासुदेव आचार्य तथा सदस्यद्वय हेमन्त रावल र विदुर कोइरालाको संयुक्त इजलासले अग्रवाललाई थुनामा राखेर मुद्दाको पुर्पक्ष गर्न आदेश दिएको हो ।
सर्वोच्चले आफ्नो आदेशमा विभिन्न अभियोगमा अग्रवालको प्रत्यक्ष भूमिका नदेखिएको अनि उमेर र स्वास्थ्य अवस्थासमेतलाई आधार बनाउँदै थुनामुक्त गर्न आदेश जारी गरेको थियो ।
सर्वोच्चको आदेशमा विवादित कर्जासम्बन्धी कागजातमा उनको हस्ताक्षर नरहेको तथा जग्गा खरिद र बैना रकमसम्बन्धी निर्णयमा प्रत्यक्ष संलग्नता नदेखिएको उल्लेख गरेको छ ।
यस्तो थियो सर्वोच्चको आदेश–
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4