१६ असोज, काठमाडौं । अन्तर व्यवस्थापकीय संघ (आईपीयू) मा नेपालले प्राकृतिक विपद्बारे ‘इमर्जेन्सी प्रस्ताव’ राख्ने भएको छ ।
आईपीयूको १५३ औं महासभा तान्जानियामा हुँदैछ । उक्त महासभामा नेपालको तर्फबाट सभामुख डोलप्रसाद अर्याल त्यसतर्फ जाँदैछन् ।
सभामुख अर्याल नेतृत्वको भ्रमण टोलीमा सांसद र संसद सचिवालयका अधिकारीहरू रहेका छन् ।
उक्त मञ्चमा जलवायु परिवर्तनले पारेको असर र क्षतिपूर्तिसम्बन्धी विषयलाई ‘इमर्जेन्सी एजेन्डा’का रूपमा पेस गर्न लागिएको सभामुख अर्यालले जानकारी दिए ।
भदौ १० गते रसुवाको भोटेकोशीमा विनाशकारी बाढी गएको थियो । उक्त बाढीकबाट रसुवासहित नुवाकोट, धादिङदेखि चितवनसम्मका नदि तटीय क्षेत्र प्रभावित भए ।
उक्त बाढीमा परेर एक हजार चार सय बढीको शव फेला परेको छ । ६ हजार बढी वेपत्ता छन् ।
जलवायु परिवर्तनको यो बाढी आएको सरकारको निष्कर्ष छ । यही निष्कर्षसहित अन्तराष्ट्रिय मञ्चमा प्रस्तुत हुने सभामुख अर्यालले बताएका छन् ।
आईपीयूमा सहभागी हुन त्यसतर्फ जानु अगाडि सभामुख अर्यालले पत्रकारहरूसँग भेट गरेका छन् ।
उक्त भेटमा उनले आईपीयूमा जलवायु परिवर्तनले पारेको असर र क्षतिपूर्तिसम्बन्धी विषयलाई ‘इमर्जेन्सी एजेन्डा’का रूपमा पेस गर्न लागिएको जानकारी दिएका हुन् ।
उक्त प्रस्तावका लागि झन्डै ५० देशको समर्थन प्राप्त भइसकेको छ ।
सभामुख अर्यालको नेतृत्वको उक्त भ्रमणका क्रममा करिब २८ वटा ‘साइडलाइन’ बैठकहरूको तयारी पनि भएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4