२०८३ असोज २० गते १३:२१ 
२० असोज, काठमाडौं । नेपालका दुई ईस्पोर्टस टिम होरा ईस्पोर्ट्स र टीटुके ईस्पोर्ट्स पब्जी मोबाइल ग्लोबल ओपनमा एकै समूहमा परेका छन् ।
आउँदो अक्टोबर २० देखि पाकिस्तानमा हुने प्रतियोगिताका लागि सोमबार राति भएको ‘ड्र’ बाट नेपालका दुई टोली एकै समूह ‘ए’ मा परेका हुन् । दुवै टोली काठमाडौंमा भएको साउथ एसिया फाइनलमार्फत मुख्य प्रतियोगिताका लागि छनोट भएका थिए ।
समूह ए मा होरा र टीटूकेसँगै फोके, अल उला, गीक, एसटूजी, एसपी, बीटीआर, एकेजी, एसएलबी, आरओडब्लु, आईएनएफ, आर एः, ओल्ड नट, एचसी अनि पब्जी मोबाइल पाकिस्तान ओपन (पीएमपीओ) बाट आएको शीर्ष टोली रहनेछ ।
समूह बी मा १८ ईस्पोर्ट्स, आरएट, सीएस, आईकर्ड, भीपीई, एई, आरईजी, बीयूएफ, यूएलएफ, अल्फा सेभेन, एमजीएलजे, भीसिएस, फोर थ्राइभ्स, नेक्स्ट र पीएमपीओबाट आएको दोस्रो टोली रहनेछ ।
नेपालमा भएको साउथ एसिया फाइनल्सको उपाधि भने पाकिस्तानको फोर थ्राइभ्स (फोटी) ईस्पोर्ट्सले जितेको थियो । फोर थ्राइभ्सले २०९ अंकसहित शीर्षमा रहेर उपाधि जित्दा टीटुके दोस्रो अनि होरा तेस्रो बनेको थियो ।
नेपालकै हिडन लिफ ईस्पोर्ट्स टिम भने चौथो स्थानमा रह्यो । नेपालको अर्को टोली टीजीबी आठौं स्थानमा रह्यो ।
प्रतिक्रिया 4