News Summary
Generated by OK AI. Editorially reviewed.- कर्णालीका दैलेख, सुर्खेत, सल्यान र रुकुम पश्चिममा मेघगर्जन र चट्याङसहित वर्षा भइरहेको मौसम पूर्वानुमान महाशाखाले जनाएको छ ।
- महाशाखाले वर्षाको सम्भावनालाई ध्यानमा राख्दै कर्णालीका जिल्लामा सतर्क रहन आग्रह गरेको छ ।
- लगातारको वर्षाले पहिरो, सडक अवरुद्ध र नदी–खोलामा बहाव बढ्ने जोखिम रहेकाले जोखिमयुक्त बस्तीका नागरिकलाई सावधानी अपनाउन भनिएको छ ।
२३ असोज, सुर्खेत । कर्णाली प्रदेशका दैलेख, सुर्खेत, सल्यान र रुकुम पश्चिममा मेघगर्जन र चट्याङसहित वर्षा भइरहेको छ । मौसम पूर्वानुमान महाशाखाले यी जिल्लामा वर्षाको सम्भावनालाई ध्यानमा राख्दै सतर्क रहन आग्रह गरेको छ ।
कर्णाली प्रदेशका धेरैजसो भूभागमा पछिल्लो २४ घण्टामा वर्षा भएको छ। हाल पनि सुर्खेत, डोल्पा, हुम्ला ,दैलेख र रुकुम पश्चिमलगायतका जिल्लामा मेघगर्जन र चट्याङसहित वर्षा भइरहेको छ ।
प्रदेशका अन्य जिल्लामा समेत वर्षा तथा हिमपातको सम्भावना रहेको छ । आगामी शनिबार र आइतबार पनि केही स्थानमा वर्षा हुन सक्ने मौसम पूर्वानुमान महाशाखाले जनाएको छ ।
लगातारको वर्षाले पहाडी तथा हिमाली क्षेत्रमा पहिरो जाने, सडक अवरुद्ध हुने र नदी तथा खोलामा पानीको बहाव बढ्ने जोखिम रहन्छ । यसबाट यातायात सेवा प्रभावित हुनुका साथै जनजीवनमा समेत असर पर्न सक्छ ।
विशेषगरी पहिरोको जोखिम भएका बस्तीमा बसोबास गर्ने नागरिकलाई सतर्क रहन आग्रह गरिएको छ । वर्षाका बेला नदी तथा खोलामा नजान, जोखिमयुक्त क्षेत्रमा अनावश्यक यात्रा नगर्न र सडकको अवस्था बुझेर मात्र यात्रा गर्न आवश्यक छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4