News Summary
Generated by OK AI. Editorially reviewed.- अत्यधिक हिमपातका कारण अवरुद्ध कर्णाली करिडोरअन्तर्गत नारापास–हिल्सा सडक खण्ड ३ दिनभित्र सञ्चालनमा ल्याउने गरी काम तीव्र पारिएको छ।
- पूर्वाधार विकासमन्त्री सुनिल लम्सालले मन्त्रालयको डिभिजन टोलीले जोखिमपूर्ण अवस्थामा हिउँ पन्छाइरहेको जानकारी दिएका छन्।
- नाउरपानी क्षेत्रमा बाक्लो हिउँ जमेका कारण अवरुद्ध सडक खुलाउन उपकरण र जनशक्ति परिचालन गरिएको छ।
३० असोज, काठमाडौं । अत्यधिक हिमपातका कारण अवरुद्ध भएको कर्णाली करिडोरअन्तर्गतको नारापास–हिल्सा सडक खण्ड ३ दिनभित्र सञ्चालनमा ल्याउने गरी काम तीव्र पारिएको पूर्वाधार विकासमन्त्री सुनिल लम्सालले जानकारी दिएका छन् ।
मन्त्री लम्सालले शुक्रबार सामाजिक सञ्जालमार्फत अवरुद्ध सडक खुलाउन मन्त्रालयको डिभिजन टोलीले जोखिमपूर्ण अवस्थामा काम गरिरहेको जानकारी दिएका हुन्।
समुद्री सतहबाट करिब ४ हजार ५०० मिटरको उचाइमा रहेको यस सडक खण्डको नाउरपानी क्षेत्रमा बाक्लो हिउँ जमेका कारण यातायात अवरुद्ध छ। हाल उक्त क्षेत्रमा आवश्यक उपकरण र जनशक्ति परिचालन गरी हिउँ पन्छाउने काम धमाधम भइरहेको मन्त्री लम्सालले जानकारी दिए ।
रोजगारीका लागि हिल्सा नाका हुँदै उत्तरतर्फ चीनको ताक्लाकोट पुगेका नेपाली नागरिकहरूलाई चाडपर्वको समयमा स्वदेश तथा घर फर्कन सहज होस् भन्ने उद्देश्यले सडक खुलाउने कामलाई उच्च प्राथमिकता दिइएको मन्त्री लम्सालले उल्लेख गरेका छन्।
तीन दिनभित्र सडक पूर्ण रूपमा सञ्चालनमा ल्याउने लक्ष्यका साथ टोली खटिएको जनाइएको छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4