१७ कात्तिक, काठमाडौं । नेपाली कांग्रेसले संघीय संसद्को अधिवेशन जतिसक्दो चाँडो बोलाउनुपर्नेमा विपक्षी दलहरू एकमत रहेको सन्देश सभामुख डोलप्रसाद अर्याल पुर्याएको छ । मंगलबार प्रमुख प्रतिपक्षी दल कांग्रेस संसदीय दलका नेता भीष्मराज आङ्देम्बेले सभामुख अर्याललाई भेट्न सिंहदरबार पुगेका थिए ।
सभामुखसँगको भेटपछि आङ्देम्बेले संसदलाई लामो समय खाली राख्न नहुने बताएका हुन् । ‘गम्भीर विषयहरू आएको र आएका विषयमा संसद् बाहिर छलफल गर्नभन्दा संसदमा छलफल हुनुपर्ने र यसका लागि छिटो संसद बैठक बोलाउनुपर्ने भनेर सभामुखलाई भनेको छु’, उनले भने ।
उनले सभामुख अर्यालसँग भएको संवादबारे अगाडि भने, ‘संसद्लाई लामो समय खाली राखेर बस्नु राम्रो हुँदैन भन्ने छलफल भएको छ ।’
उक्त भेटमा आङ्देम्बेले कांग्रेस संसदीय दलको बैठकले गरेका निर्णय र सोमबार विपक्षी दलका नेताहरूबीच भएको छलफलबारे पनि सभामुख अर्याललाई जानकारी गराएका छन् ।
विपक्षी दलहरूले पत्रकार धरपकड लगायत सरकारका विवादित विषयबारे निश्पक्ष छानबिन गर्न संसदीय विशेष छानबिन समिति गठन गर्नुपर्ने निर्णय गरेको थियो ।
यसका लागिसमेत संघीय संसद्को अधिवेशन जतिसक्दो छिटो बोलाउनुपर्ने विपक्षी दलहरूको माग छ ।
संघीय संसद्को अघिल्लो अधिवेशन १६ असोज २०८३ मा अन्त्य भएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4