दिवाली : माधुरीको कपाल जल्यो, अमिताभको हातमै पटका पड्कियो

आज भारतमा धुमधामसँग दिवाली मनाइँदै छ । आम मानिसदेखि बलिउड सेलिब्रेटीसम्म सबैले दिवालीमा उत्सव मनाइरहेका छन् ।

यस विशेष अवसरमा हिन्दी सिनेमाका दिग्गजहरू– अमिताभ बच्चन, शाहरुख खान, माधुरी दीक्षित र प्रियंका चोपडासँग दिवालीमा भएका यादगार घटनाहरू यहाँ उल्लेख गर्दैछौं ।

अमिताभको हातमै पटका पड्कियो

बलिउडका महानायक अमिताभ बच्चनले आफ्नो ब्लग पोस्टमा दिवालीको एक ठूलो दुर्घटनाबारे उल्लेख गरेका छन् । दिवालीमा पटाका बाल्दा उनीहरूको हातमै एउटा पटका विस्फोट भयो, जसले उनको दायाँ हात गम्भीर रूपमा पोलेको थियो।

औंला र थम्बको चाल ठीक हुन दुई महिनाभन्दा बढी समय लाग्यो । त्यस समयमा फिल्मको शुटिङ नरोकिने बनाउन उनले अनौठो तरिका अपनाए।

फिल्म इन्कलाबको शुटिङका बेला हातमा रुमाल बाँधे भने फिल्म शराबीका बेला घाउ लागेको हात पाइन्टको गोजीमा राखेर सिन शुट गरे । दर्शकहरूले यसलाई उनको नयाँ स्टाइल मानेका थिए।

माधुरीको कपाल जल्यो

बाल्यकालको एक दिवालीमा दुखद् दुर्घटना भएको कुरा अभिनेत्री माधुरी दीक्षितले एक अन्तर्वार्तामा बताएकी थिइन् । उनी आफ्ना साथीहरूसँग पटाका पड्काइरहेकी थिइन्, त्यही बेला एक केटाले उनको हातमा रहेको पटाकामा आगो लगाइदियो।

पटाका तुरुन्तै पड्कियो र आगो उनको कपालसम्म फैलिएको थियो । सौभाग्यवश उनको अनुहार बच्यो, तर धेरै कपाल जलेकाले केही समयसम्म उनको टाउको कपाल जलेको स्पष्ट देखिन्थ्यो । त्यस घटनापछि माधुरी दिवालीमा सधैं पटाकाबाट टाढा रहन्छिन्।

लेहंगामा आगो लाग्यो

सन् २०१९ मा अमिताभ बच्चनको घर ‘जल्सा’ मा आयोजित दिवाली पार्टीका बेला एउटा ठूलो दुर्घटना टरेको थियो । मिडिया रिपोर्टअनुसार पार्टीमा ऐश्वर्या रायकी व्यवस्थापक अर्चना सदानन्दको लेहंगा दियोमा झोसिएर बल्न थालेको थियो ।

त्यहाँ उपस्थित अभिनेता शाहरुख खानले तुरुन्त आफ्नो ज्याकेट फुकाले र त्यसको मद्दतले आगो निभाए । यस क्रममा शाहरुख खानको हात पनि हल्का पोलेको थियो, तर उनको समझदारीले ठूलो दुर्घटना हुनबाट जोगियो।

अस्पतालको कोठामा बितेको प्रियंकाको दिवाली

अभिनेत्री प्रियंका चोपडाले पनि आफ्नो एक अन्तर्वार्तामा दिवालीसँग जोडिएको भावनात्मक कथा सेयर गरेकी थिइन् । प्रियंकाका बुबा डा. अशोक चोपडा क्यान्सरको उपचारका लागि अमेरिकाको अस्पतालमा भर्ना हुँदा बाहिर मानिसहरू दिवालीको उत्सव मनाइरहेका थिए ।

प्रियंका अस्पतालको कोठामा बसेर आफ्ना बुबाको सफल अपरेसनका लागि प्रार्थना गरिरहेकी थिइन् । अपरेसन सफल भएपछि उनी घर फर्किइन् । परिवारले बुबाको स्वस्थताको खुसीलाई दिवालीजस्तै मनाएको थियो ।

आफ्नाहरूको राम्रो स्वास्थ्य नै सबैभन्दा ठूलो दिवाली भएको कुरा त्यस दिन महसुस गरेको प्रियंकाले बताएकी थिइन् ।