राजुले माफी मागे, अर्चना पनेरुकै नाममा फिल्म बन्ने

चलचित्र विकास बोर्डबाट कुनै पनि इजाजत नै नलिई चलचित्र छायांकन गरेका निर्देशक राजु गिरीले आफूबाट गल्ती भएको भन्दै माफी मागेका छन् । आज काठमाण्डौमा पत्रकार भेटघाट गर्दै राजुले आफूलृे राज्यले बनाएको नियमलाई उल्लंघन गर्न खोजेर गम्भिर अपराध गरेको भन्दै एक पटकलाई माफी दिन सबैस“ग आग्रह गरेका छन् ।

चलचित्रकी मुख्य कलाकार अर्चना पनेरु पनि सो पत्रकार भेटघाटमा उपस्थित थिइन् । राजुले आफूले अन्जानमा गल्ती गरेको भन्दै एक पटक सबैले माफी दिने र अरुलाई पनि यस्तो गल्ती नगर्न आग्रह गरेका छन् । चलचित्र विकास बोर्डले आफ्नो आँखा खोलिदिएको भन्दै राजुले आफूले चलचित्र निर्माण गर्न थालेको लामै समय भैसक्दा पनि कतिपय नीति र नियमबाट अनविज्ञ भएको जनाएका छन् । चलचित्र विकास बोर्डको प्रशंसा गर्दै राजुले अब आइन्दा यस्तो गल्ती नदोहो¥याउने बताएका छन् । साथै उनले चलचित्रको नाम ‘जिस्म’बाट परिवर्तन गरेर ‘अर्चना’ राखिएको पनि बताएका छन् । यो नाम चलचित्रकी मुख्य कलाकार अर्चनाको नामबाट राखिएको हो ।

चलचित्र विकास बोर्डले इजाजत विना नै चलचित्र छायांकन गरेको भन्दै जिल्ला पं्रशासन कार्यलय कास्कीलाई अनुरोध गरेपछि कास्की प्रहरीले चलचित्रको यूनिट र सामान जफत गरेको थियो । चलचित्रको यूनिटलाई तारिखमा छाडेपनि सामान भने अझै प्रशासनकै नियन्त्रणमा छ । राजुले माफी मागेर नाम परिवर्तन गरेपछि उनको जफत गरिएको सामान फिर्ता हुने संभावना छ ।  चलचित्र विकास बोर्ड पनि नाम परिवर्तन गर्दै निर्देशकले माफी मागेपछि इजाजत दिने सोचमा रहेको वुझिएको छ ।