८ असार, काठमाडौं । लीबियाको राजधानी त्रिपोली नजिकको एक शहरमा भएको विष्फोटमा २५ जनाको मृत्यु भएको छ । विष्फोटको कारण थाहा भएको छैन । यति धेरै व्यक्तिको ज्यान जाने गरी भएको यस विष्फोटलाई स्थानीय अधिकारीहरुले ‘रहस्यमय’ भनेका छन् ।
यो विष्फोट स्थानीय नागरिक र केहि हतियारधारी लडाकू समूहबीच भएको संघर्षपछि भएको हो । तर, विष्फोट कसरी भयो र कसले गरायो भन्ने पत्ता लागेको छैन ।
अधिकारीहरुले शुरुआतमा सामग्रीहरुमा आगो लागेपछि विष्फोट भएको बताएका थिए । तर, पछि एक स्थानीय व्यक्तिले पटाकाहरुले भरिएको ट्रकमा विष्फोट भएको बताएको बीबीसीले जनाएको छ ।
बीबीसीका अनुसार सो क्षेत्रमा गोलीबारीको आवाज सुनिएको छ र स्थिति एकदमै तनावपूर्ण छ । उक्त घटनामा मृत्यु हुनेहरुको संख्या अझै बढ्नसक्ने स्थानीय अधिकारीहरुले बताएका छन् ।
यसअघि लीबीयाको पूर्वी इलाकामा आफूलाई विद्रोही स्लामिट स्टेटका लडाकू बताउनेहरुसँग भएको भिडन्तमा सरकार समर्थित ३० लडाकूहरु मारिएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4