२० पुस, काठमाडौं । चर्चित सुडान घोटाला काण्डका दोषी शम्भु भारती डिल्लीबजार कारागारबाट जेलमुक्त भएका छन् ।
सर्वोच्च अदालतले थुना बाहिरै बसेर मुद्दाको पुनरावलोकन गर्न दिने सुविधा दिएपछि भारती छुटेका हुन् ।
अदालतको पत्रअनुसार भारतीलाई थुनामुक्त गरिएको डिल्लीबजार कारागारकी निमित्त जेलर सिता अधिकारीले अनलाइनखबरलाई बताइन् । भारतीलाई प्रहरीको केन्द्रीय अनुसन्धान ब्युरो (सीआईबी) को टोलीले ललितपुरस्थित निवासबाटै १२ भदौमा पक्राउ गरेको थियो ।
यसअघि सर्वोच्च अदालतले नै भारतीलाई १४ करोड २० लाख रुपैयाँ विगो र जरिवानासहित एक वर्ष जेल सजाय फैसला गरेको थियो । भारती निर्माण कम्पनी अस्योर्ड रिक्स लिमिटेड, लन्डनका स्थानीय प्रतिनिधि एवं भगवती ट्रेडर्सका सञ्चालक थिए । यही कम्पनीबाट खरिद भएको सामानमा अनियमितता भएको सार्वजनिक भएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4