९ साउन, काठमाडौँ । एकीकृत माओबादीका महासचिव कृष्णबहादुर महराले विस्तारवाद र साम्राज्यवादविरुद्धको संघर्षमा माओबादी झुक्ने हो कि भन्ने चिन्ता बढेर गएको बताएका छन् ।
नेपाली सामन्तवाद विविध रुपमा अस्तित्वमा रहेका कारण थप संघर्षको आवश्यकता रहेको भन्दै महराले राजनीतिक क्रान्ति सम्पन्न भइसकेको भन्ने प्रवृत्ति पार्टीभित्र विकास हुँदै गइरहेकोमा चिन्ता व्यक्त गरेका छन् ।
जनसंचार अभियान क्लबमा शुक्रवार कौशीकी गणेश भण्डारी विशेषांक विमोचन कार्यक्रममा महराले विस्तारवाद र साम्राज्यवादसँगको संघर्ष थप घनिभूत बनाउनुपर्ने बताए । ‘सामन्तवादको अवशेष, आर्थिक, राजनैतिक क्षेत्रमा विभिन्न खाले रुपमा अझै क्रियाशिल छ’, उनले भने,’हामी झुक्ने होइन, त्यसको अन्त्यको लागि फेरि संघर्ष गर्नु छ ।’
विगतको शसस्त्र संघर्ष तत्कालीन समयको आवश्यकता भन्दै महराले अब नयाँ खाले शान्तिपूर्ण संघर्ष गर्नुपर्नेमा जोड दिए । सबै माओबादी र प्रगतिशील, देशभक्त नागरिकहरु अब एक ढिक्का भएर सामन्तवाद, विस्तार र साम्राज्यवाद विरुद्ध लड्नुपर्ने बेला आएको उनको जिकिर थियो ।