६ भदौ, काठमाडौं । प्रहरीसँगको मुठभेडमा मारिएका डन दिनेश अधिकारी ‘चरी’को शव बुझ्न उनको परिवार सहमत भएको छ ।
सर्वोच्चले कारण देखाउ आदेश जारी गरेपछि पछि बुझ्न लागेको अधिकारीका दाजु ध्रुव अधिकारीले जानकारी दिए । उनका अनुसार शनिबार अन्त्येष्टि गरिनेछ ।
चरीको हत्या भएको भन्दै प्रहरी अधिकारीहरुविरुद्ध परिवारले महानगरीय प्रहरी परिसर हनुमानढोकामा उजुरी दर्ता गर्न खोज्दा अस्वीकार गरेपछि दायर मुद्धामा सर्वोच्च अदालतले बिहीबार कारण देखाऊ आदेश जारी गरेको थियो ।
गत साउन २१ गते काठमाडौं भीमढुंगामा भएको मुठभेडमा अधिकारी मारिएका थिए । तर, घटनाको छानबिन गरी दोषीलाई कारबाही गर्नुपर्ने भन्दै परिवारले शव बुझेका थिएनन् ।
उनको शव महाराजगन्जस्थित त्रिवि शिक्षण अस्पतालमा राखिएको छ ।
