१२ मंसिर, काठमाडौं । अस्ट्रेलियन क्रिकेटर फिलिप हृयूजप्रति श्रद्धान्जली दिन सुरु भएको ‘पुट आउट योर ब्याट’ अभियानमा विश्वभरका क्रिकेटर र क्रिकेट फयानहरु सामेल भएका छन् ।
सिन एबोटको बाउन्सरमा घाइते भएका हृयूजको बिहीबार निधन भएको थियो । उनीप्रति श्रद्धान्जली दिँदै क्रिकेटरले आफुले प्रयोग गरेका ब्याटहरु बाहिर राखेका छन् ।
यूएइमा जारी पाकिस्तान र न्यूजिल्याण्ड बिचको टेस्टको दोस्रो दिन बिहीबारको खेल रोकियो भने शुक्रबार खेलाडीहरु मैदान प्रबेश गर्नु अघि ‘फेन्स’मा ब्याट र क्याप राखेर मैदान प्रबेश गरे । फेन्समा राखिएको व्याट र क्याप खेलमा प्रयोग नै गरिएन ।
न्यूजिल्याण्डका खेलाडीहरुले पनि ब्याट र क्याप राखेर मैदान प्रवेश गरे । इंग्लयाण्डका पूर्व क्रिकेटर गे्रम स्वानले २०१० मा वेष्टइन्डिज विरुद्धको टेस्टमा अविजित ६३ रन बनाउँदा प्रयोग गरेको ब्याट राखेर हृयूजप्रति श्रद्धान्जली दिएका छन् ।
तिब्र गतिका बलर एबोटको बलले लागेर मैदानमा ढल्नुअघि हृयूज पनि ६३ मा अविजिति थिए ।
हृयूजका टीम मेट स्टिीभ स्मिथिले पनि ब्याट र क्याप राखेरु उनको सम्झना गरे ।
My 1989 Ashes bat.. Norman on security watch #RIPHughesy #putoutyourbats pic.twitter.com/8aTDRuVDyx
— Dean Jones (@ProfDeano) November 27, 2014
