घर बनाउन कुन बैंकले कति ब्याजमा ऋण दिन्छन् ? (हेर्नुहोस् सूचीसहित)

३ जेठ, काठमाडौं । तपाईको घर भूकम्पले भत्कायो ? चिन्ता नगर्नुहोस् तपाईलाई बैंकहरुले २ प्रतिशत व्याजमै ऋण उपलब्ध गराउने छन् ।

नियामक निकाय राष्ट्र बैंकले शून्य व्याजदरमा पुनकर्जा दिएर भूकम्पले क्षतिग्रस्त भएका घर बनाउन दुई प्रतिशतमै ऋण उपलब्ध गराउन बैंक तथा वित्तीय संस्थाहरुलाई निर्देशन दिइसकेको छ ।

तर, तपाईका दुई वा सोभन्दा बढी घर भूकम्पले ध्वस्त भएका छन भने एउटा घर बनाउन मात्रै बैंकले सहुलियत अर्थात दुई प्रतिशत व्याजदरमा ऋण दिनेछन ।

यस्तो ऋण काठमाडौं उपत्यकाभित्र भएमा २५ लाख र मोफसलमा १५ लाख रुपैयाँ पाइन्छ । बाँकी घर बनाउन प्रचलित व्याजदरमै ऋण लिनुपर्ने हुन्छ ।

सरकारले आवास बिहीनहरुका लागि आवासको व्यवस्था गर्न सहुलियत दरमा ऋण उपलब्ध गराउने नीति लिएको हो । त्यसैले एकभन्दा बढी घर भत्किए पनि ती घर पुननिर्माणका लागि सहुलियत दरको ऋण उपलब्ध नहुने राष्ट्र बैंकका प्रवक्ता डा. मिनबहादुर श्रेष्ठले अनलाइनखबरलाई जानकारी दिए ।

‘सहुलियत दरको ऋण सम्बन्धी कार्यविधि बनिरहेको छ, त्यसअघि यही हुन्छ भन्न चाहिँ सकिँदैन ।’ श्रेष्ठले भने- तर, अहिलेसम्मको हाम्रो बुझाइमा एउटा घरका लागि मात्रै सहुलियत ऋण उपलब्ध हुनेछ ।

त्यसो भए अहिले वाणिज्य बैंकहरुले अहिले कति व्याजमा घर कर्जा उपलब्ध गराइरहेका छन त ? सम्बन्धित बैंकहरुका अनुसार घर कर्जाको व्याजदर ७.४९ प्रतिशतदेखि १४.५ प्रतिशतसम्म छ ।

बैंकहरुले पाँचदेखि २५ बर्षसम्मका लागि घर कर्जा उपलब्ध गराउँदै आएका छन । सबैभन्दा सस्तोमा प्रभु बैंक, नेपाल बैंक, एनआइसी एसिया बैंकलगायतले घर बनाउन ऋण दिने जनाएका छन ।

र्हेनुहोस कसको व्याजदर कति ?