१० जेठ, काठमाडौं । गत वैशाख १२ र २९ गतेको विनाशकारी भूकम्पमा परी मृत्यु हुनेको संख्या ८ हजार ६४८ पुगेको छ । मृतकमध्ये महिला ४ हजार ७६३ र पुरुष ३ हजार ८७९ छन् । ६ जनाको लिंग पहिचान नभएको सूचना विभागले जनाएको छ ।
मृतकमध्ये ८ हजार ६१७ शव आफन्तको जिम्मा लगाइएको छ । भूकम्पमा २२ हजार ५३ जना घाइते भएका छन् । उनीहरुको बिभिन्न अस्पतालमा उपचार भैरहेको छ । यसैगरी २२९ जना नेपाली नागरिक र ८० जना विदेशी नागरिक वेपत्ता भएका छन् ।
सर्बसाधारणका ५ लाख २२३ घर पूर्णरुपमा र २ लाख ६९ हजार १५९ घर आंशिकरुपमा क्षति भएका सूचना विभागले जनाएको छ ।
