विकास श्रेष्ठ
१५ असार, काठमाडौं । झण्डै ९ हजार नेपालीको ज्यान लिने गरी वैशाख १२ मा आएको विनाशकारी भूकम्पको पराकम्प अझै रोकिएको छैन ।
मंगलबार विहानै ३ बजेर ३१ मिनेटमा धेरैलाई पराकम्पले ब्यूँझायो । काभ्रेलाई केन्द्र विन्दु बनाएर गएको ४.४ रेक्टर स्केलको भूकम्पको धक्का काठमाडौं उपत्यकामा समेत महसुस गरिएको थियो ।
तर, एकाबिहानै भूकम्पको त्रास भुलेर किसानहरु खेतमा पुगे र रोपाइँ गरिरहेका छन् । असार १५ मा रोपाइँ गर्ने र दही चिउरा खाने गरिन्छ । सरकारले असार १५ लाई धान दिवस घोषणा गरेको छ ।
मंगलबार दिउँसो काठमाडौंको जितपुरफेदी तीनपिप्ले पुग्दा किसानहरु रोपाइँँमा व्यस्त थिए । भूकम्पका सबै पीडा बिर्सिएर उनीहरु हाँसीखुसी धान रोपिरहेका थिए । उनीहरुले असार गीत पनि गाएका थिए ।
तीनपिप्लेमा पानी पर्याप्त नभए पनि सानो खोल्सोबाट खेतसम्म पानी पुर्याइएको थियो । रोपाहार र बाउसेहरु हिलो छ्यापाछ्याप गर्दै रोपाइँ गरिरहेका थिए ।
रोपाइँका केही दृश्यहरु