शुक्रबार, १५ वैशाख, २०७४
OnlineKhabar.com

लोकमानबारे ओलीले मुख खोले-कानून बमोजिम मर्यादामा ल्याइन्छ

आवश्यकता र औचित्यका आधारमा संविधान संशोधन हुन्छ

अनलाइनखबर

kp oli

३ कात्तिक, काठमाडौं । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले संविधान संशोधनको सन्दर्भमा एमाले बाधक नरहेको तर आवश्यकता र औचित्य पुष्टि हुनुपर्ने बताएका छन् ।

बुधवार संसद बैठकमा प्रधानमन्त्री प्रचण्डले संविधान संशोधनमा सहमति जुट्दै गरेको बताए लगत्तै बसेको संदीय दलको बैठकमा एमाले अध्यक्ष ओलीले औचित्य पुष्टि भए संशोधनमा सघाउने संकेत गरेका हुन् ।

संसद भवनमै बसेको बैठकमा ओलीले भने-आवश्यकता र औचित्यका आधारमा संविधानमा संशोधन हुन सक्छ । तर, कसैको लहडमा होइन ।’

ओलीले एमालेलाई मुलुकको ड्राइभिङ सिटमा बस्नै नदिने षड्यन्त्र भइरहेको बताए । उनले भने-हामीलाई ड्राइभिङ सिटमै बस्न नदिने योजना थियो । यसबीचमा हामीले बजेटमार्फत युगान्तकारी काम अघि बढायौं । अब पाइलट बनेर मुलुकलाई अग्रगति दिन्छौं ।’

२०७४ माघ ७ अघि कुनै पनि चुनाव नहुने खतरा बढेको र त्यो अवस्थामा देशमा संवैधानिक संकट आउने भन्दै ओलीले एमाले त्यस्तो अवस्था आउन नदिन लागेको बताए ।

संसदीय दलका उपनेता सुवास नेम्वाङले अध्यक्षतामा गरेको बैठकमा बरिष्ठ नेता झलनाथ खनाल र माधव नेपालले पार्टी एकताबद्ध भएर अघि बढ्ने बताएको सांसद रामेश्वर फुयालले जानकारी दिए ।

लोकमानले मर्यादा नाघे कानून बमोजिम हुन्छ

एमाले संसदीय दलको बैठकको शुरुमै सांसद यज्ञराज सुनुवारले लोकमान सिंह कार्कीको सन्दर्भमा पार्टीको आधिकारिक धारणा को हो भन्ने प्रश्न गरेका थिए । उनले लोकमानको नियुक्तिको बेला पार्टी नेतृत्वमै रहेका व्यक्तिले उनको नियुक्तिविरुद्ध तत्कालिन राष्ट्रपति समक्ष गएको स्मरण समेत गराए ।

सुनुवारको प्रश्नको जवाफ दिदै ओलीले संवैधानिक अंगका प्रमुखले विधीको शासन पालना गर्नुपर्ने बताए । उनले भने, ‘सबै संवैधानिक निकायका पदाधिकारीहरु कानुनको शासन र मर्यादामा रहनुपर्छ । कानुनी मर्यादामा नरहनेहरुलाई कानुनको व्यवस्था बमोजिम नै मर्यादामा ल्याइन्छ ।’

२०७३ कार्तिक ३ गते २०:१८ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
५ प्रतिकृयाहरू प्राप्त
  • Dhama Nath Paudyal लेख्नुहुन्छ    |   २०७३ कार्तिक ३ गते १९:५४

    मर्यादा मा ल्याउने भनेको के हो तपाइले यस्तो काइते भाशा बोल्नु भएन । तपाइ स्पष्टबादी नेतामा गन्निनु हुन्थ्यो कर्णाली को बारेमा अन्तर्बार्तामा बोलेदेखी तपाइको बोलिको मुल्य घट्दैछ । याद गर्नुस

    8
    3
    Share

  • Deben kishor anjan लेख्नुहुन्छ    |   २०७३ कार्तिक ३ गते २०:०५

    ल्याइन्छ हैन ल्याउनु पर्छ कानुनको दुरुपयोग गर्ने लोकमान होस या अरु जो कोहि होस कानुन बनाउने उनिहरु अनि कानुनलाइ टाउकोमा टेकेर हिड्ने उनिहरु नै के कानुन कस्को लागि बनेको हो त

    5
    0
    Share

  • Dhan shrestha लेख्नुहुन्छ    |   २०७३ कार्तिक ३ गते २२:४८

    जुन मानछे गल्ती गरछ तेश मानछे ले शजाय भोकनु परछ

    7
    0
    Share

  • Lamkhute लेख्नुहुन्छ    |   २०७३ कार्तिक ४ गते १२:४२

    ओली बाजे आवसेकता र औचिक्त्य भन्दा संबिधान सभा जस्तोलाई जनताहरु को
    पहिचान र बैज्ञानिक हुनु पर्यो सहि र जायेज अधिकारमाथि जनताहरुको अधिकारलाई
    रोक्नु भएन तु संबिधान हुनु पर्यो नत्र अब देश अबैज्ञानिक अन्धा सासन चल्ने
    वाल्ला छैन बरु देश नै टुक्रिन सक्ने छ १००%?

    0
    0
    Share

  • राजन खडका लेख्नुहुन्छ    |   २०७३ कार्तिक ४ गते २१:५१

    ओलिजी ले अहिलेको अवस्थालाई राजनितिक भन्दा पनि
    नितिगत कुरा लाई जोड दिनुभएको छ।

    0
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this