बिहीबार, ८ भदौ, २०७४
OnlineKhabar.com

हिमालयन ट्राभल मार्ट काठमाडौंमा हुने

अनलाइनखबर

२८ वैशाख, काठमाडौं । हिमालयन ट्राभल मार्ट आगामी जुन १ देखि ४सम्म काठमाडौंको सोल्टी होटलमा हुने भएको छ ।
नेपाललाई हिमालय क्षेत्रको प्रबेश मार्गको रुपमा स्थापित गर्नुका साथै सम्पूर्ण हिमालय क्षेत्रको पर्यटकीय सम्भाबनाहरुलाई पस्कँदै अग्रणी पर्यटन बजारका रुपमा स्थापित गर्ने उदेश्यका साथ कार्यक्रम गर्न लागिएको हो ।

बिश्व पर्यटन बजारका नयाँ तथा पूराना शसक्त टुर अपरेटरहरुलाई क्रेताको रुपमा आमन्त्रण गरी हिमालय क्षेत्रका टुर अपरेटर, ट्राभल एजेन्सी, होटल, एयरलायन्स लगायत अन्य पर्यटकीय सेवा प्रदायक बिक्रेता कम्पनीहरुसँग व्यवसायिक भेटघाटको साथै बीटुबीमिटिङको अबसर प्रदान गरिने आयोजकले जनाएको छ ।

कार्यक्रमको होस्ट नेपाल सरकार, संस्कृति पर्यटन तथा नागरिक उड्डयन मन्त्रालय रहेको छ भने मुख्य आयोजक नेपाल पर्यटन बोर्ड, आयोजना साझेदार नेपाल वायुसेवा निगम तथा पाटा रहनुको साथै कार्यकारी आयोजकको भुमिका पाटा नेपाल च्याप्टरले निर्बाह गरेको छ ।

हिमालयन ट्राभल मार्ट २०१७ मा ६० भन्दा बढी बिदेशी क्रेता र ५० भन्दा बढी क्षेत्रीय बिक्रेताको सहभागिता रहने छ । जुन ३ र ४ मा हुने बीटुबी मार्टलाई रौनक प्रदान गर्न ट्राभल ब्राण्डिङ्ग, बजार अन्वेषण, अनुसन्धान गन्तव्य जस्ता बिषयहरु समाबेश गरी नेपाल लगायत बिश्व भरका बिज्ञहरुको संलग्नतामा हिमालय ट्राभल कन्फरेन्सको आयोजना हुने भएको हो ।

२०७४ वैशाख २८ गते १६:०८ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
१ प्रतिकृया प्राप्त
  • PS TravelPoint Tours Dhangadhi लेख्नुहुन्छ    |   २०७४ वैशाख २९ गते २०:२९

    Good To Know.
    Thanks Nepal Government for this Travel Mart in Nepal.

    0
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this