१२ असार, काठमाडौं । बुधबार हुने स्थानीय तह निर्वाचनका लागि मतदातालाई परिचयपत्र वितरण गर्ने काम झापाका सबै मतदान केन्द्रहरुबाट भइरहेको छ । आइतबारदेखि सुरु भएको वितरण मंगलबारसम्म जारी रहनेछ ।
झापाको १५ वटा स्थानीय तहमा रहेका २८३ मतदान केन्ऽमार्फत मतदातालाई परिचय पत्र वितरण कार्य भइरहेका छ ।
जिल्ला निर्वाचन कार्यालय, झापाका प्रमुख गोपाल आचार्यका अनुसार दोस्रो चरणको स्थानीय निर्वाचनका लागि ५ लाख १० हजार २ सय १६ मतदातालाई परिचय पत्र वितरण गरिँदैछ ।
झापाका कुल मतदाता मध्ये २ लाख ५३ हजार ४ सय १५ पुरुष र २ लाख ५६ हजार ७ सय ९८ महिला रहेको आचार्यले जानकारी दिए ।
झापामा ३ हजार ३ सय ४० उम्मेदवार छन् भने ३ सय ९९ जनप्रतिनिधि निर्वाचित हुनेछन् ।
