शुक्रबार, १३ साउन, २०७४
OnlineKhabar.com

फास्टिङ ट्रीटः यसरी बनाउनुहोस् काजु बर्फी

अनलाइनखबर


दिनभर अन्न वा पानी नखाई ब्रत बस्ने गरिन्छ, खासगरी साउनको सोमबार । यसदिन कसैले दिनभर पानी समेत सेवन गर्दैनन् भने, कतिले अन्न मात्र सेवन गर्दैनन् ।

व्रत बस्नुको अनेक लाभ छ । यद्यपी यसमा आफ्नो स्वास्थ्यस्थितीको भने ख्याल गर्नुपर्छ । सात्विक भोजन गरेर वा फलफूल, मीठाई मात्र सेवन गरेर पनि ब्रत बस्न सकिन्छ । यसरी ब्रत बस्नेहरुका निम्ति उपयुक्त हुनसक्छ, काजु बर्फी रेसेपी । यो सजिलै घरमा तयार गर्न सकिन्छ ।

सामग्री

– दुई कप काजु

– एक कप चिनी

– एक ठूलो चम्चा घिउ

– दुई चम्चा दुध

– आधा चम्चा सुकुमेल पाउडर

– थोरै सिल्भर वर्क सजाउनका लागि

चाश्नी बनाउनका लागि

– एउटा भाँडामा चिनी हाल्ने । त्यसमाथि पानी हालेर उमाल्ने ।

– चाश्नी तयार भएपछि त्यसलाई उतारेर राख्ने

कसरी बनाउने ?

१. काजुलाई तीन कप पानीमा ६ घण्टासम्म भिजाउनुहोस्

२. पानी निथारेर काजुलाई मिक्चरमा पिस्नुहोस्

३. एउटा कराहीमा काजुको पेस्ट र दुध हालेर भुट्नुपर्छ ।

४. चाश्नीलाई काजुको पेस्टमा हालेर राम्ररी मिलाउने ।

५ . धिमा आँचमा मिश्रणलाई गाढा हुनेगरी भुट्ने

६. घिउ र सुकुमेल पाउडर हालेर २ मिनेटजति भुट्ने

७. चुल्होबाट निकालेर थालमा फैलानुहोस्

८. जब यो सेलाउँछ, मनलाग्दो आकारमा काट्नुपर्छ । त्यसपछि यसमा सिल्भर वर्क सजाएर सर्भ गर्न सकिन्छ ।

२०७४ साउन २ गते १२:५० मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this