५ भदौ, काठमाडौं । नेपाली र अमेरिकी सेनाबीच हरेक वर्ष सञ्चालन हुने संयुक्त सैन्य अभ्यास सोमबारदेखि सुरु भएको छ ।
Balance Nail 17-5530 नामक सैन्य अभ्यास नेपाली सेनाको श्री महावीर रेञ्जर रेजिमेन्ट छाउनीमा सञ्चालन भएको हो ।
अभ्यासमा विभिन्न सैनिक युद्धकला लगायत अन्तर्राष्ट्रिय मानवीय कानून, मानव अधिकार जस्ता विषयहरुमा छलफल तथा अन्तक्रिर्या हुनेछ । सभ्यासमा सहभागी हुन अमेरिकी सैनिक साउन ३२ गते नै नेपाल आइसकेका थिए ।
यस्तो संयुक्त तालिम तथा अभ्यासबाट नेपाली र अमेरिकी सेनाको सैद्धान्तिक, व्यवहारिक र बिशेष अनुभवका साथै दुई देश बिचको मैत्रिपूर्ण पारस्परिक सम्बन्धलाई अझ बढी प्रगाढ एवम् सौहार्द बनाउन सहयोग पुग्ने विश्वास नेपाली सेनाले लिएको छ ।
अभ्यास असोज ३ गतेसम्म सञ्चालन हुनेछ ।
