रामचन्द्र नेपाल
क्वालालम्पुर । मलेसियाको ज्ञान्तिङमा बस दुर्घटनामा परी ज्यान गुमाएका दुई नेपालीको पहिचान खुलेको छ । विहीवार ज्ञान्तिङ हाईलैण्डमा वाट क्वालालम्पुर तर्फ आईरहेको वस सिम सुई चाईनिज मन्दिर नजिकै भएको बस दुर्घटनामा परी दाङ हापुर-१ का २६ वर्षीय प्रेम वहादुर वुढा मगर र धनकुटा आहाले ७ का ४३ वर्षीय नरेन्द्र राई रहेका छन् ।
मृतक दाङका वुढा मगर सेविरो सेक्युरिटिमा ज्ञान्तिङमा कार्यरत रहेका थिए । उनी साथीहरुलाई भेटि होस्टलतर्फ र्फकदै गर्दा दुर्घटनामा परेका थिए । ६ वर्ष अगाडि मलेसिया आएका वुढा एक पटक पनि घर गएका थिएनन । मृतक राई भने ज्ञान्तिङहाईलैण्ड भन्दा केहि तल रहेको वुकितिङ भन्ने ठाउँमा खेतिपाति गर्ने ठाउँमा काम गर्ने गरेका थिए ।
मृतक राई ११ वर्ष अगाडि रोजगारीमा सिलसिलामा मलेसिया आएको वुझिएको छ । हाल दुवैजनाको शवलाई पोसमार्टमको लागि क्वालालम्पुर अस्पतालमा राखिएको छ । शवलाई नेपाल पठाउनको लागि पहल भइरहेको छ ।