मृगौला पिडीतलाई सघाउन स्याङजा समाज जापानले आइतवार तीज कार्यक्रम गर्दै

१४ भदौ, टोक्यो। जापानमा बसोबास गरिरहेका स्याङजालीहरुको संस्था स्याङजा समाज जापानले हरितालिका तीजको अबसरमा यही आइतवार तीज बिशेष कार्यक्रमको आयोजना गर्दै छ ।

दुवै मृगौला फेल भई सहयोगको पर्खाइमा रहनुभएका स्याङजा थुमपोखरा निवासी लोकराज गैरेको सहयोगका लागि कार्यक्रम आयोजना गरिएको आयोजक संस्थाले जनाएको छ ।

आइतवार साँझ ५ बजेबाट सुरु हुने कार्यक्रममा स्थानीय चर्चित कलाकारको साथमा दर खाने कार्यक्रम पनि राखिएको छ । सुमिदा कुमा रहेको नमस्ते रेष्टुरेण्टमा आयोजना हुने कार्यक्रममा सवै स्याङजाली दिदीबहिनी तथा दाजुभाईलाई उपस्थीतिका लागि आयोजक संस्थाले आह्वान गरेको छ ।