आज मिति २०७० भदौ १६ गते आइतबार । राजधानीबाट प्रकाशित आजका दैनिक पत्रिकाले साफ च्याम्पियनसिपको उद्घाटन खेलमा नेपालको विजयी सुरुवात भएको खबरलाई प्राथमिकताका साथ छापेका छन् ।
कान्तिपुर दैनिकले कांग्रेसले एमाओवादीभन्दा एमालेको कडा आलोचना गरेको खबरलाई मुख्य बनाएको छ भने, संविधानको हुर्मत नलिनुस् भनेर राष्ट्रपतिले प्रमुख दललाई भनेको खबर नागरिक दैनिकले मुख्य रुपमा छापेको छ ।
चुनावका लागि टिकटको दौडधुपमा डनहरु लागि परेको खबर नयाँ पत्रिकाले मुख्य रुपमा छापेको छ भने सडक विस्तार सुस्त भएको यात्रुहरु रुष्ट भएको अन्नपूर्ण पोस्टमा मुख्य खबर छ ।
