२० असार, काठमाडौं । नेकपा एमालेको नवौं महाधिवेशमामा सहभागी प्रतिनिधिहरुले बन्दसत्रमा कानेखुसी गर्न रोक लगाएको छ । अध्यक्ष मण्डलले जारी गरेको १६ बुँदे आचारसंहितामा बन्दसत्रमा पुस्तक, पर्चा या पत्रिका बाँड्न पनि रोक लगाइएको छ ।
बन्द सत्रलाई अनुशासित र मर्यादित बनाउने भन्दै आचारसंहितामा भनिएको छ-‘अधिवेशन चलिरहेको बेला होहल्ला गर्ने, कानेखुसी गर्ने, समूह-समूह भएर कुराकानी गर्ने र अधिवेशनको काम कार्बाहीलाई बाधा अवरोध गर्ने काम गर्नु हुँदैन ।’
अधिवेशनमा कुनै पनि नेताको पक्ष वा विपक्षमा हल्ला, हुटिङ र नाराबाजी गर्न रोक लगाएको छ । अध्यक्ष मण्डलको अनुमति विना बाँडिने पुस्तक, पर्चा वा पत्रिका जफत हुनेछ भने अनुमति नलिइ हल बाहिर जान नपाइने आचारसंहितामा भनिएको छ ।
बन्दसत्र चलिरहेको बेला मोबाइललाई कुरा गर्न पाइने छैन भने धुमपान, मद्यपान या सूर्तीजन्य पदार्थहरूको प्रयोग गर्न रोक लगाइएको अचारसंहितामा उल्लेख छ । सबै प्रतिनिधिहरूले प्रतिनिधि कार्ड देखिने गरी लगाउनु पर्नेछ भने वातावरणलाई अनावश्यक रूपले उत्तेजित बनाउने र बन्द सत्रलाई असहज बनाउने काम गर्नपाइने छैन ।
आचारसंहिता अनुसार असार २१ गते विहानसम्म स्थायी प्रतिनिधि कार्ड अनिर्वाय गरिएको छ । अस्थायी कार्ड रद्द गरिएको छ ।
यो पनि पढ्नुस्
महाधिवशेनमा रमाइलो भइरहेको छ : एमाले प्रतिनिधि
एमाले नेतृत्वले कार्यकर्तासँग माफी माग्यो
एमालेलाई बाबुरामको सुझाव : नयाँ शक्ति बनाऔं
भागबण्डा नमिलेपछि एमाले महाधिवेशन प्रतिनिधि मनोनयन भाँडियो
बन्दसत्रको अध्यक्ष मण्डलमा नेपाल र ओलीको भागवण्डा
बरालले गरे महाधिवशेनमा साबुनको प्रचार !
कहीँ नभएको जात्रा एमाले महाधिवेशनमा देखियो