१८ भदौ, काठमाडौं । प्रधानमन्त्री दैवी प्रकोप उद्धार कोषमा नेपाल प्रहरीले दुई करोड एक लाख ११ हजार १११ रुपैयाँ सहयोग प्रदान गरेको छ ।
प्रधानमन्त्री निवास बालुवाटारमा बुधबार आयोजित कार्यक्रममा प्रहरी महानिरीक्षक उपेन्द्रकान्त अर्यालले बाढी पहिरो पीडितको सहयोगका लागि उक्त सहयोग रकमको चेक प्रधानमन्त्री सुशील कोइरालालाई हस्तान्तरण गरे ।
प्रहरीले हवल्दारसम्मका प्रहरीबाट आधा दिनको, कनिष्ठ प्रहरी अधिकृतबाट एक दिनको र वरिष्ठ प्रहरी अधिकृतबाट दुई दिनको तलब कट्टागरी रकम संकलन गरेको थियो ।