७ असोज, काठमाडौं । नेकपा एमालेकी नेतृ साहना प्रधानको निधन भएको छ । उनको सरकारी सम्मानका साथ पशुपति आर्यघाटमा अन्त्येष्टि गरिएको छ ।
छोरा उमेशलाल श्रेष्ठले दागबत्ती दिएका थिए ।
यसअघि वाम लोकतान्त्रिक आन्दोलनका नेतृ प्रधानको पार्थिव शरीरलाई अन्तिम श्रद्धान्जलीका लागि पार्टी कार्यालय बल्खुमा राखिएको थियो ।
एमाले अध्यक्ष केपी ओलीले प्रधानको पार्थिव शरीरमा राष्ट्रिय झण्डा ओढाए । प्रमुख दलका नेताहरुले बल्खुमा पुगेर प्रधानप्रति अन्तिम श्रद्धान्जली व्यक्त गरेका छन् ।
