२१ असोज, डोटी । डोटीको छतिवनमा सोमबार भएको बस दुर्घटनामा मृत्यु हुनेको संख्या २९ पुगेको छ ।
दुर्घटनामा २७ जनाको घटनास्थलमा र दुई जनाको उपचारका क्रममा मृत्यु भएको जिल्ला प्रहरी कार्यालय डोटीले जनाएको छ । दुर्घटनामा ६४ जना घाइते भएका छन् ।
घाइतेको कैलाली र नेपालगञ्जका साथै भारतमा समेत उपचार भइरहेको छ ।
डोटीको जोरायलबाट धनगढीका लागि छुटेको ना ३ ख ५७०७ नम्बरको बस छतिवन गाविस ५ कट्कटे भन्ने ठाउँमा दुर्घटना भएको थियो ।
