Comments Add Comment

तीन महिनामा १६ बैंकले साढे तीन अर्ब कमाए, कसले कति ?

पुष्प दुलाल

२८ कात्तिक काठमाडौं । आर्थिक वर्ष २०७०/०७१ को असोज मसान्तको वित्तीय विवरण सार्वजानिक गर्ने १६ वाणिज्य बैंकहरुले ३ अर्ब ४५ करोड रुपैयाा खुद नाफा कमाएका छन् ।

यो गत वर्षको सोही अवधिकोभन्दा औषत १३ प्रतिशत अर्थात ६२ करोड रुपैयााले बढी हो । गत वर्षको असोजमा यी १६ बैंकले २ अर्ब ८३ करोड रुपैयाा खुद नाफा कमाएका थिए ।

व्याज आम्दानी, राइटव्याक (संभावित जोखिम व्यवस्थाका लागि छुट्याइएको रकम फिर्ता) र बैदेशिक मुद्राको कारोबारबाट भएको आम्दानी नै बैंकहरुको नाफाको मुख्य स्रोत हो ।

1st-Quater-banks-profit-growth-rate-2071

देशभर ‘क’ वर्गका ३० वटा बैंक छन । जसमध्ये १४ वटाले वित्तीय विवरण सार्वजानिक गरिसकेका छैनन । हरेक त्रैमास सकिएको ३५ दिनभित्र वित्तीय विवरण सार्वजानिक गर्नु पर्ने व्यवस्था राष्ट्र बैंकको छ । जसअनुसार बााकी १४ बैंकले आगामी मंसिर ५ गतेसम्ममा वित्तीय विवरण सार्वजानिक गरिसक्नु पर्नेछ ।

गत वर्षको असोजमा ५ करोड ९८ लाख रुपैयााले घाटामा रहेको जनता बैंकले यो वर्षको असोजमा २ करोड १३ लाख रुपैयाा नाफा कमाएको छ । यद्यपि बैंक २ करोड १० लाख रुपैयााले सञ्चालन नोक्सानीमा छ ।

तर, गत वर्षको असोजमा २७ करोड १४ लाख रुपैयाा नाफा कमाएको ग्लोवल आइएमई बैंकले भने यो असोजमा २२ करोड २७ लाख रुपैयाा मात्रै नाफा कमाएको छ । यो १७.९२ प्रतिशतले कम हो ।

अन्य बैंकहरु गत वर्षको असोजमा पनि नाफामा थिए । नाफाको वृद्धिदरको प्रतिशतका आधारमा लुम्बीनी, एनसीसी, जनता र माछापुछ्रे बैंकको नाफा सबैभन्दा धेरैले बढेको छ । लुम्बीनीको २२४ प्रतिशत, एनसीसीको २१५ प्रतिशत, जनताको १३५ प्रतिशत र माछापुछ्रेको ११७ प्रतिशतले नाफा बढाएका छन् ।

ठूला बैंकहरुको नाफाको वृद्धिदर निकै कम छ । स्टान्डर्ड चार्टर्डको ४.६६ प्रतिशत, सिटिजन बैंकको ६.३२ प्रतिशत, इन्भेष्टमेन्ट बैंकको ६.२१ प्रतिशत र एनआइसि एसियाको ६.४३ प्रतिशतले मात्रै बढेको छ । नविल बैंकको नाफा १०.२६ प्रतिशतले बढेको छ ।

Bank this quater    (Rs.000) previous year    (Rs.000)    Different    (Rs.000)         perecnt
Bank Of Kathmandu 165867 122208 43659 35.73
Citizens Bank 110343 103787 6556 6.32
NMB Bank 142793 90806 51987 57.25
Sanima Bank 130926 86309 44617 51.69
Nepal SBI Bank 256210 222797 33413 15.00
Everest  Bank 391137 351094 40043 11.41
Global IME Bank 222785 271428 -48643 -17.92
Machhapuchchhre Bank 190355 87403 102952 117.79
Nabil Bank 504859 457898 46961 10.26
Nepal Investment Bank 491318 462610 28708 6.21
NIC Asia Bank 154263 144948 9315 6.43
Siddhartha Bank 144152 105611 38541 36.49
Standard Chartered Bank 349772 334205 15567 4.66
Janata Bank 21362 -59826 81188 -135.71
Lumbini Bank 80617 24811 55806 224.92
Ncc Bank 102789 32588 70291 215

त्यसैगरी एनएमबि बैंकको ५७.२५ प्रतिशत, सानिमा बैंकको ५१.६९ प्रतिशत, सिद्धार्थ बैंकको ३६.४९ प्रतिशत, बैंक अफ काठमाण्डूको ३५.७३ प्रतिशत, एसबिआई बैंकको १५ प्रतिशत र एभरेष्ट बैंकको नाफा ११.४१ प्रतिशतले नाफा बढाएका छन् ।

राष्ट्र बैंकले कर्जा र निक्षेपबीचको व्याज अन्तर (स्प्रेड) मा कडाई गरेपछि ठूला र पुराना बैंकको व्याज आम्दानीमा असर परेपछि नाफाको वृद्धिदर कम भएको हो ।

त्यसो त पुराना बैंकहरुको कारोबारको आकार ठूलो र नाफा पनि बढी भएको हुनाले मोटो रकम नाफा कमाए पनि प्रतिशतमा भने थोरै देखिएको हो । पहिलो त्रैमासको नाफा सन्तोषजनक नै देखिन्छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment