४ मंसिर, काठमाडौं । यसबर्षको एसएलसी परीक्षा आगामी चैत पहिलो सातादेखि शुरु हुने भएको छ । परीक्षा नियन्त्रण कार्यालय सानोठिमीले चैत ५ गतेदेखि एसएलसी परीक्षा सन्चालन गर्ने निर्णय गरेको हो ।
चैत ५ देखि १३ गतेसम्म लिखित परीक्षा सन्चालन हुने छ । प्रयोगात्मक परीक्षा भने १६ गतेसम्म चल्ने परीक्षा नियन्त्रण कार्यालय सानोठिमीले जनाएको छ ।
चैत ५ गते पहिलो दिन अनिवार्य अंग्रेजी, चैत ६ मा अनिवार्य नेपाली, ८ गते अनिवार्य गणित, ९ गते अनिवार्य विज्ञान, १० गते अनिवार्य सामाजिक र ११ गते स्वास्थ्य जनसंख्या तथा वातावरण विषयको परीक्षा हुने छ ।
यसैगरी चैत १२ गते ऐच्छिक प्रथम पत्र र १३ गते ऐच्छिक दोस्रो पत्रको परीक्षा हुने छ ।
