बलिउड तथा हलिउडका कलाकार तथा गायक-गायिका कुनै पनि कार्यक्रममा आफ्नो प्रस्तुती दिदा महंगो रकम लिन्छन् । कलाकारहरुको मुख्य आम्दानी पनि यस्तै कार्यक्रमबाट भएको पाइन्छ ।
हलिउडकी चर्चित गायिका जेनिफर लोपेजले मकाउमा आयोजना भएको एक कार्यक्रमका लागि चर्को पारिश्रमिक लिएकी छिन् । उनले मकाउको ग्रान्ड हायात होटलमा ४० मिनेट प्रस्तुती दिएर करिब १८ करोड रुपैयाँ लिएकी छिन् । उनले १.७५ मिलियन डलर पारिश्रमिक लिएको भारतीय संचारमाध्यहरुले जनाएका छन् ।
यो शोमा जेनिफरको साथमा उनका सहयोगी टोली पनि थिए । उनीहरुका लागि २० वटा कोठा समेत बुक गरिएको थिए । जेनिफर यो कार्यक्रममा प्रस्तुती दिएर अमेरिका उडेकी थिइन् । तर, उनले लिएको चर्को पारिश्रमिकको पनि यतिबेला सर्वाधिक चर्चा भैरहेको छ ।
