चिया गफ टोलीले काठमाण्डौको मण्डला थिएटरमा ‘प्रजातन्त्रका लागि संघर्ष, परावर्तन र प्रभाव’ बिषयमाथि अन्तरक्रिया गरेको छ । अन्तरक्रियामा बोल्दै नायिका केकी अधिकारीले राजनीतिक अस्थिरताले गर्दा युवापुस्तामा निराशा बढेको बताइन् ।

उनले भनिन्-‘युवाहरुले आफ्नो अधिकारको प्रयोग गर्न पाइरहेका छैनन् । सरकारलाई गाली गरेर मात्र समस्या सुल्भिmदैन । हामीले छनोट गर्ने नेताहरु समेत समाजप्रती वफादार बन्न जरुरी छ ।’

उनले प्रजातन्त्रपछि लोकतन्त्र र गणतन्त्र आएपनि जनतामा आशावादी हुने वातावरण समेत श्रृजना नभएको बताइन् । उनले चलचित्र मार्फत आफूहरुले जनतालाई प्रजातन्त्र र स्वतन्त्रताका बिषयमा जागरुक बनाइरहेको दाबी गरिन् । अधिकार मागेर नपाउँदा लड्नुपर्ने भनाई केकीको थियो ।

कार्यक्रममा मानवअधिकारकर्मी कपिल श्रेष्ठ , रिपब्लिका दैनिकका सम्पादक सुभाष घिमिरेले आफ्नो भनाई राखेका थिए ।