मान्छे बाख्रो बनेपछि….(फोटोफिचर सहित)

सायद यो दुनियामा यस्तो व्यक्ति कोही नहोला जसले जनावरलाई माया नगरोस् । तर बेलायतका एक व्यक्तिको जनावरप्रतिको प्रेम त्यो भन्दा अझ माथि रहेछ । उनको बाख्राप्रतिको लगाव यति धेरै रहेछ की उनले मानिसको जिवन त्यागेर पूरै ३ दिन बाख्राको जिवन जिए ।

थोमस थ्वेट्स नामका ती व्यक्ति बाख्राको व्यवहार अध्ययनका लागि तिन दिनसम्म स्विस एल्पस पर्वतमा बाख्राहरुको झुण्डमा तिन दिनसम्म बाख्राजस्तै गरी बसे ।

बाख्राजस्तै गरी ४ खुट्टाले हिँड्नका लागि उनले दुइ हात तथा दुइ खुट्टाका लागि विशेष कृत्रिम अंग बनाएर जोडे अनि बाख्राजस्तै गरी हिँडे । यतिमात्र होइन उनले नक्कली पेट पनि लगाए, ता की आफ्ना चौपाया साथीजस्तै गरी चरेर घाँस खान सकियोस् ।

त्यस क्रममा उनले बाख्राहरुको एक अर्कामा संवादको शैली तथा उनीहरुको व्यवहारको पनि अध्ययन गरे ।

थोमसका अनुसार आफ्ना कृत्रिम अंगको सहारामा बाख्राको बराबरी गर्नु सजिलो थिएन । आफुहरुलाई पहाडमा चढ्न तथा ओर्लिन निकै कठीन भएको तर बाख्राहरु भने सजिलै सँग भिरालो पहाडमा तलमाथि गर्न सकेको उनी बताउँछन् ।

आफुले सुरुमा यसैगरी हात्ती जस्तै बन्ने सोँच राखेको भएपनि त्यो सजिलो नभएपछि आफु अन्ततः बाख्रा बनेको उनी बताउँछन् ।

बाख्रा जिवनको आफ्नो अनुभव सँगालेर थोमसले एउटा किताब निकाल्दैछन् । उक्त कितावको नाउँ ‘गोटम्यान : हाउ आइ टुक र होलिडे फ्रम बिइङ ह्युमन’ रहनेछ ।

साथै उनले आफ्नो बाख्रे जिवमा तस्वीरहरु आगामी सेप्टेम्बर ३ देखि लण्डनको स्टुडियोमा प्रदर्शनीमा राख्दैछन् ।

थप तस्वीर हेर्नुहोस्