केपी ओलीले भने- प्रहरीमाथि आक्रमण गर्ने अपराधी हुन्

७ भदौ, काठमाडौं । नेकपा एमालेका अध्यक्ष केपी ओलीले कैलालीको टीकापुरमा भएको प्रहरीमाथिको आक्रमण थारुहरुले गरेको नभई घुसपैठिया अपराधीहरुले गरेको बताएका छन् ।

कैलालीको टीकापुरमा भएकबो हिंसात्मक झडपमा सम्बन्धमा प्रतिक्रिया दिँदै एमाले अध्यक्ष ओलीले भने-‘यो थारुले गरेकै होइन, थारुहरु यसरी हिंसात्मक कार्यमा लाग्दैनन्, एसएलआर हतियार बोकेर घुसेका अपराधीहरुले प्रहरीको हत्या गरेका हुन्, तीनहरुमाथि सरकारले कडा कारवाही गर्नुपर्छ ।’

शान्तिपूर्ण आन्दोलनमा घुसपैठ गरेर प्रहरीमाथि गरिएको आक्रमणलाई सामान्यरुपमा लिन नसकिने एमाले अध्यक्ष ओलीले बताए । उनले भने- ‘यो षड्यन्त्र हो, आतंक हो । राजनीतिका नाममा कसैले अपराध गर्छ भने त्यो क्षम्य हुँदैन ।’