१७ भदौ, काठमाडौं । जिल्ला अदालत काठमाडौंले जनजाति महासंघका पूर्वमहासचिव आङकाजी शेर्पालाई चार दिन थुनामा राख्न अनुमति दिएको छ ।
उनलाई विद्युतीय कारोबार ऐन अन्तरगत मुद्धा चलाइने प्रहरीले बताएको छ ।
टीकापुर घटनालाई लिएर समाजिक सञ्जाल फेसबुकमा सुरक्षा निकायबीच फाटो ल्याउने, जातीय तथा साम्प्रदायिक सद्भाव भड्काउने खालका सन्देश लेखेको भन्दै महानगरीय प्रहरी अपराध महाशाखाको टोलीले शेर्पालाई बुधबार बौद्धबाट पक्राउ गरेको थियो ।
प्रहरीले आङकाजीलाई बिहीबार जिल्ला अदालत काठमाडौंमा उपस्थित गराएर चार दिन थुनामा राखेर अनुसन्धान गर्न अनुमति लिएको छ ।
अपराध महाशाखा प्रमुख एसएसपी सर्वेन्द्र खनालले विद्युतीय कारोबार ऐन अन्तरगत मुद्धा चलाइने बताए ।
विद्युतीय कारोबार ऐन विपरित काम गर्नेलाई १ लाखसम्म जरिवाना वा ५ वर्षसम्म कैद वा दुबै सजय हुने व्यवस्था छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4