नायिका नम्रता श्रेष्ठ भन्ने वित्तिकै हामी, ती सुन्दरीलाई संझन्छौ जसले ‘मौन होस् या क्लासिक’, आफ्नो बेजोड प्रस्तुतीले धेरैको मन जितिन् । चलचित्र ‘सानो संसार’बाट चलचित्र क्षेत्रमा उदाउँदै गर्दा नम्रतालाई लिएर दर्शकमा उत्साह पनि थपियो । चलचित्र ‘मेरो एउटा साथी छ’मा त उनले बेजोड नै अभिनय गरिन् ।
तीनै नम्रताको नामसँग ठ्याक्कै मिल्ने गरि, अर्की एक नम्रता श्रेष्ठ पनि यो क्षेत्रमा उदाएकी छिन् । सुरज भुषालले चलचित्र ‘गाँठो’मा नम्रता श्रेष्ठलाई काम गराए, जसले आफ्नो पहिलो चलचित्र ‘मौन’मा पुरानी नम्रता श्रेष्ठलाई खेलाएका थिए । 
नयाँ नम्रता श्रेष्ठका लागि मुख्य चुनौती नाम नै बन्ने देखिएको छ । किनकी, दर्शकको मस्तिष्कदेखि मनमा पुरानी नम्रताले बास गरिसकेकी छिन् । यस्तो, अवस्थामा नयाँ नम्रताले कामसँगै नामलाई पनि स्थापित गर्न जरुरी छ ।
चलेका कलाकारसँग नाम मात्र जुध्दा पनि धेरै नयाँ कलाकारलाई समस्या पर्ने गरेको पाइन्छ । यहाँ, त थर पनि एउटै छ । यस्तो अवस्थामा नयाँ नम्रतालाई के यो नाम चुनौती नबन्ला र ?
